Ölkə

Ordumuz Qazaxın kəndlərinə nə vaxt girəcək? - Ekspert

25 Aprel 2024 15:49
Baxış: 781
VTB-də minimal faiz dərəcəsi ilə nağd kredit 9.9%-dən
#QAZAX #AZƏRBAYCAN ORDUSU

Burada vacib olan delimitasiyanın başlamasıdır və proses 15 mayadək davam edəcək. Ondan sonra isə DSX-nın bölmələri müəyyən olunmuş sərhədi təhvil alacaq.

Milli.Az xəbər verir ki, bu sözləri Axar.az-a DSX-nin Qazaxın Ermənistandan təhvil alınan 4 kəndi tam nəzarətə götürəcəyi tarix haqqında danışan hərbi ekspert Elxan Şıxəliyev deyib.

"İlk olaraq sərhəd dirəkləri basdırılmalı, sonra ərazini DSX nəzarətə götürülməli, onların arxasında isə Azərbaycan Ordusunun yeni mövqeləri və infrastruktur qurulmalıdır. İnfrastrukturun qurulmasına təminat yollarının çəkilməsi, müşahidə postlarının qoyulması, kazarmaların inşası və s. daxildir. Bütün sadalananları nəzərə alsaq, prosesin 2-3 ay vaxt alacağını demək olar. Hazırda Ermənistanda bunu əngəlləmək istəyənlərin təşkil etdikləri iğtişaşların da vaxt itkisinə səbəb olduğunu nəzərə almalıyıq", - ekspert qeyd edib.

Qeyd edək ki, aprelin 23-də ölkələrin ekspert qrupları Azərbaycan Respublikası ilə Ermənistan Respublikası arasındakı sərhəddə yerdəki geodeziya ölçmələrinə əsaslanaraq koordinatların dəqiqləşdirilməsi prosesinə başlayıb.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.