Ölkə

Metroda su sızması ilə bağlı RƏSMİ AÇIQLAMA - VİDEO

22 Aprel 2024 14:17
Baxış: 1 366
VTB-də minimal faiz dərəcəsi ilə nağd kredit 9.9%-dən
#VİDEO #METRO

Bakıda metronun "Həzi Aslanov" stansiyasıdakı tunelin tavan hissəsindən su sızmağa başlayıb.

Bununla bağlı görüntülər sosial şəbəkələrdə yayılıb.

Milli.Az xəbər verir ki, məsələ ilə bağlı Oxu.Az-a açıqlama verən "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov bildirib ki, buna səbəb həmin stansiyasının xidməti otaqlarından birində su xətti borusunun zədələnməsi olub.

"Metronun "Həzi Aslanov" stansiyasının xidməti otaqlarından birində su xətti borusu zədələnib. Dərhal stansiyaya daxil olan əsas su xətti bağlanıb".

Qurum sözçüsü bildirib ki, tuneldəki su sızması metronun işinə mane olmayıb.

"Suyun tavan hissədən stansiya yoluna sızması nəticəsində sərnişinlərin və qatarların hərəkət təhlükəsizliyinə xələl gəlməyib. Qatarlar hərəkət qrafikinə uyğun intervallar saxlanılmaqla hərəkət edib", - deyə B.Məmmədov bildirib.

Bəxtiyar Məmmədovun sözlərinə görə, qısa müddətdə yaranmış problem aradan qaldırılıb və suyun verilməsi bərpa olunub.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.