Ölkə

Mənzilin sahəsi az, ödənişi çox - MTK-ların fırıldağı

29 Noyabr 2023 18:09
Baxış: 763
VTB-də minimal faiz dərəcəsi ilə nağd kredit 9.9%-dən
#MƏNZİL #BİNA #TİKİNTİ #EV

Bakıda son 20 ildə xeyli çoxmərtəbəli yaşayış binaları tikilib.

Bu binaların da çoxu Mənzil-Tikinti Kooperativləri tərəfindən tikilərək sakinlərin istifadəsinə verilir. Ancaq bina istifadəyə verildikdən sonra sakinlərin əsas narazılığı kommunal haqların yığılması və onun məbləği ilə bağlı olur.

Belə ki, həmin binalarda yaşayan sakinlərin bildirdiyinə görə mənzilin sahəsi dövlət çıxarışında az göstərilsə də, kommunal xidmətlərə görə MTK-ya daha çox kvadratmetr üçün ödəniş edirlər.

Milli.Az xəbər verir ki, məsələ ilə bağlı Trend-ə açıqlamasında əmlak məsələləri üzrə ekspert Elnur Fərzəliyev bildirib ki, MTK-lar mənzil satanda kvadratını daha böyük göstərirlər.

"Mənzilin iç, çöl, arakəsmə divarları, havalandırma xətləri və bəzi yerləri evin sahəsi kimi hesablanır. Amma Şəhərsalma və Tikinti Məcəlləsində belə bir maddə var ki, mənzillər satılarkən iç və çöl divarlar, məhəccərlər, havalandırma xətləri evin sahəsinə salınmamalıdır. Bu səbəbdən də dövlət çıxarışı veriləndə bu sahələr görtərilmir. Çıxarışda MTK-nın satdığı mənzilin kvadratı az göstərilir.

Vətəndaş mənzilinə çıxarış alarkən mütləq şəkildə çıxarışın surətini tikinti şirkətinə təqdim etməlidir və müqavilənin yenilənməsini tələb etməlidir. Bundan sonra ödənilən kommunal ödəniş aşağı salına bilər. Əgər MTK-lar vətəndaşdan pul yığırsa, onlar arasında xidməti müqavilə imzalanmalıdır", - deyə o qeyd edib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.