Ölkə

Xəzər çəkilir: Qədim Səbail qalası üzə çıxacaq?

20 Noyabr 2023 17:33

Baxış: 1 079

VTB-də minimal faiz dərəcəsi ilə nağd kredit 9.9%-dən

#TƏBİİ FƏLAKƏT #EKOLOGİYA #XƏZƏR DƏNİZİ

Xəzər dənizinin suyunun çəkilməsini təbii fəlakət göstəricisi kimi qiymətləndirənlər yanlış mövqedədirlər.

Bunu Axar.az-a açıqlamasında Milli Ekoloji Proqnozlaşdırma Mərkəzinin rəhbəri, ekoloq Telman Zeynalov deyib.

"Son 30-40 il ərzində Xəzərin suyunun çəkilməsi dəfələrlə müşahidə edilib. XX əsrin yetmişinci illərində də bu problem yaranmışdı. Bütün bunlara səbəb isə son illər yağıntıların azalması, quraqlığn üstünlük təşkil etməsidir. Artıq dənizin bəzi ərazilərində suyun həddi 10, 50, 100 metr çəkilib. Xəzər dənizinin suyu arta da bilər, azala da, qətiyyən bundan narahat olmağa dəyməz. Baş verənlər isə fəlakət yox, adi təbii hadisədir", - ekoloq bildirib.

Xəzərin çəkilməsi nəticəsində qədim Səbail şəhərinin üzə çıxması ilə bağlı ehtimallara da aydınlıq gətirən T.Zeynalov qeyd edib ki, Xəzər dənizinin qismən dayazlaşması nəticəsində qədim Səbail şəhərinin üzə çıxması mümkün deyil.

Milli.Az
Xəbərlərimizi WhatsApp kanalımızdan da oxuyun