Ölkə

Mədən ərazisində iki nəfərin ölməsi ilə bağlı vəzifəli şəxs məsuliyyətə cəlb edildi

2 Noyabr 2023 10:37

Baxış: 2 079

VTB-də minimal faiz dərəcəsi ilə nağd kredit 9.9%-dən

#HADİSƏ #NEFTÇİ #CİNAYƏT #SOCAR

Azərbaycan Dövlət Neft Şirkətinin (SOCAR) "Azneft" İstehsalat Birliyində "Neftqaztikinti" trestinin iki əməkdaşının dənizə düşərək ölməsi ilə bağlı ibtidai istintaq tamamlanıb.

Milli.Az qafqazinfo-ya istinadən xəbər verir ki, idarənin vəzifəli şəxslərindən olan və tikintidə təhlükəsizliyə cavabdeh şəxs sayılan Mirzəyev Samir Zəhimağa oğlu məsuliyyətə cəlb edilib və onun barəsində Cinayət Məcəlləsinin 222.4-cü maddəsi ilə ittiham verilib.

İş Bakı Ağır Cinayətlər Məhkəməsində hakim Səbuhi Hüseynovun sədrliyi ilə araşdırılacaq. Məhkəmənin hazırlıq iclası noyabrın 13-nə təyin edilib.

Qeyd edək ki, bu ilin avqustun 24-də səhər saatlarında SOCAR-ın iki işçisi açıq dəniz sahəsinə suya yıxılıb. Hadisə "Azneft" İB-nin "N.Nərimanov" NQÇİ-nin 3 saylı Neft Yığımı Məntəqəsində baş verib. Belə ki, obyektdə tikinti quraşdırma işləri aparılarkən "Neftqaztikinti" trestinin əməkdaşları dəmir-beton pilitənin qırılması nəticəsində polad və dəmir-beton konstruksiyaların quraşdırılması üzrə quraşdırıcısı 63 yaşlı Şirvan Ataş oğlu Ağammədov və elektrik qaynaqçısı, 39 yaşlı Şamo Mətləb oğlu Nərimanov dənizə düşərək vəfat ediblər.

Milli.Az