Ölkə

Fazil Mustafa kimdən şübhələndiyini açıqladı

29 Mart 2023 16:00
Baxış: 7 878
VTB-də minimal faiz dərəcəsi ilə nağd kredit 9.9%-dən
#DEPUTAT

"Yeni Müsavat" media qrupunun rəhbəri Rauf Arioğflu dünən silahlı hücuma məruz qalan deputat Fazil Mustafa ilə telefon əlaqəsi saxlayıb.

Milli.Az xəbər verir ki. R.Arifoğlu Feysbuk hesabında telefon danışığını paylaşıb.

Danışıq zamanı R.Arifoğlu hadisəni törətməkdə İran meyilli qüvvələrdən şübləhəndiyini vurğulayıb.

Səhhətinin yaxşı olduğunu qeyd edən deputat Fazil Mustafa bunu belə cavablayıb:

"Mənim də bundan başqa versiyam yoxdur. Yəqin elədir.  Bu, terror aktı idi. Birbaşa hədəfə vurdular. Cəld tərpənib evə qaça bildim. Allah yaşadanda yaşadır. Mənə dəyən güllələr qalmayıb, deşik açıb, keçib. Siz də bir az ehtiyatlı olun ". 

Qeyd edək ki, millət vəkili Fazil Mustafa müalicə aldığı tibb müəssisəsində ikinci dəfə əməliyyat olunub.

Xatırladaq ki, dünən Zabrat qəsəbəsində yerləşən evinin qarşısında  silahlı hücuma məruz qalan millət vəkilinə avtomat silahdan çoxsaylı atəş açılıb. Fazil Mustafa iki güllə yarası alıb. Çiyin nahiyəsindən və ayağından yaralanan milıət vəkilinə ilk olaraq kliniki tibbi mərkəzdə həkim müdaxiləsi edilib. Sonra isə deputatın təhlükəsizliyinin daha yaxşı təşkil olunması məqsədilə o hüquq mühafizə orqanlarından birinin hospitalına aparılıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.