Ölkə

Ötən il 963 tikinti obyektində işlər dayandırılıb

17 Mart 2023 14:55

Baxış: 541

#CƏMİYYƏT

Hesabat dövründə fiziki və hüquqi şəxslər tərəfindən tikinti işləri aparılan 7,5 min obyektdə tikinti norma və qaydalarının tələblərinə, layihəyə uyğunluğuna, təhlükəsizlik tədbirlərinin yerinə yetirilməsinə əməl olunması, görülən işlərə texniki və müəllif nəzarətinin təmin olunması ilə əlaqədar tikintiyə dövlət nəzarəti aparılıb.

Milli.Az Trend-ə istinadən bildirir ki, bu barədə Nazirlər Kabinetinin 2022-ci ildə fəaliyyəti haqqında Hesabatında qeyd edilib.

Azərbaycan Respublikasının Prezidentinin 20215-ci il22 may tarixli 533 nömrəli Fərmanı ilə təsdiq edilmiş "Tikinti işlərinin dayandırılması Qaydası"na əsasən tikinti işləri zamanı pozuntuların qarşısının vaxtında alınması, aradan qaldırılması üçün 963 tikinti obyektinə tikinti işlərinin dayandırılması barədə və 14 tikinti obyektinə isə obyektin sökülməsi barədə Qərar və 46 Göstəriş verilib.

Şəhərsalma və tikinti fəaliyyəti sahəsində qanun vericiliyin tələblərinin pozulması ilə əlaqədar 229 ədəd İnzibati xəta haqqında protokol tərtib edilib.

Xatırladaq ki, bu gün Azərbaycan hökuməti Milli Məclisdə hesabat verir, iclasda Baş nazir Əli Əsədov, nazirlər iştirak edir.

Milli.Az