Ölkə

Növbəti pandemiya elan olundu - Yeni TƏHLÜKƏ, yeni QAPANMALAR olacaq? - RƏY

24 İyun 2022 13:49
2 Şərh     Baxış: 4 695

"Meymunçiçəyini Dünya Səhiyyə Şəbəkəsi pandemiya elan edib. Dünya Səhiyyə Şəbəkəsi ilə Ümumdünya Səhiyyə Təşkilatı (ÜST) eyni qurum deyil".

Bunu Milli.Az-a açıqlamasında həkim-infeksionist Nilufər Məmmədova deyib.

Mütəxəssis bildirib ki, bu xəstəlik COVİD kimi ciddi fəsadlara yol açmayacaq:

"ÜST-ün mənbələrinə güvənmək lazımdır. Ümumdünya Səhiyyə Təşkilatı nə zaman ki, meymunçiçəyini pandemiya elan etsə, deməli, o zaman ciddi bir təhlükə var, ona qarşı mübarizə aparmaq lazımdr. 

Təbii ki, indi də biz yenə də mübarizə aparmalıyıq, qorunma qaydalarını tətbiq etməliyik, bu təhlükəyə qarşı ölkə səviyyəsində müəyyən planlar hazırlanmalıdır. Amma ÜST tərəfindən hələ ki belə bir rəsmi məlumat gəlməyib.

Amma ümumilikdə götürsək, istənilən infeksion xəstəlik zaman-zaman epidemiyalara, pandemiyalara səbəb ola bilər. Xüsusən də onlarda mutasiyalar baş verdikdə. Çünki əvvəlki dövrlərdən fərqli olaraq dünya dövlətləri arasında sərhədlər açıqdır və turistik məqsədlə ölkələrə gediş-gəliş, giriş-çıxışlar çox olduğu üçün istər-istəməz xəstəliklərin pandemiyaya və epidemiyaya səbəb olma ehtimalı, riski hər zaman olacaq. Bu baxımdan hər hansısa bir xəstəliyin epidemiyaya, pandemiyaya çevrilməsi təəccüb doğurmamalıdır. 

Bu xəstəliyin COVİD xəstəliyi kimi ciddi fəsadları yoxdur. Təbii ki, istənilən xəstəlikdə yoluxan sayı nə qədər çoxdursa, əlilliyin və ölümün göstəriciləri də qısa zaman ərzində o qədər artmış olur. Bu da ölkə səhiyyə sisteminə ciddi ziyan vurur. Bu baxımdan qorunma qaydaları çox əhəmiyyətlidir".

Qeyd edək ki, Dünya Səhiyyə Şəbəkəsi ötən gün meymunçiçəyini pandemiya elan edib.

Təhməz Əsədov
Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

2 Şərh:

  • Anonim
    Gedində… · 24 İyun 19:5120

    Biz day oynamırıq-bəsimizdi!

    Cavab yaz
  • Anonim
    . · 24 İyun 20:1920

    Yalansa Allah belanızı versin amin

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics