Ölkə

Nazirlikdən YENİ QADAĞA - Bunlardan istifadə etmək olmaz! - VİDEO

17 May 2022 09:54
6 Şərh     Baxış: 5 703

''Qadınlar dikdaban, kip və cins materiallı şalvarlar geyinməməli, şəffaf və parıltılı dodaq boyasından istifadə etməməlidirlər''. Bununla bağlı Mədəniyyət Nazirliyində əmr imzalanıb. Əmrə əsasən nazirliyin tabeliyində olan qurumların qadın və kişi əməkdaşları üçün dress-kod müəyyən edilib. Sənədə əsasən qaydalarda nəzərdə tutulan geyim üslubuna mütləq şəkildə əməl edilməlidir. 

Mədəniyyət Nazirliyinin strukturuna daxil olan qurumlarda etik davranış və daxili intizam qaydaları ilə bağlı cari il aprelin 19-da əmr imzalanıb.

Əmrdə əməkdaşların geyim üslübu ilə bağlı bir sıra qadağalar müəyyən edilib. İşlədikləri müəssisələrdə qadınlara dar və cins materiallı şalvar geyinmək, dikdabandan, eləcə də şəffaf və parıltılı dodaq və dırnaq boyasından istifadə etmək qadağan edilir. Nazirliyin tabeliyində olan teatr və konsert müəssisələri, muzeylər, kitabxanalar, təhsil ocaqları və digər belə qurumlarda çalışan qadınlar bu qaydalara mütləq şəkildə əməl etməlidirlər. 

Milli.Az bildirir ki, məsələ ilə bağlı Mədəniyyət Nazirliyindən "XəzərXəbər"ə bildirilib ki, qurumlarda qulluq keçən işçilərin əmək münasibətləri dövlət qulluğu sahəsində münasibətləri tənzimləyən qanunvericilik aktlarına uyğun olaraq həyata keçirilir. ''Qaydalarda heç bir qadağadan söhbət getmir. İşçilər üçün geyim və üsluba dair tələblər bir çox dövlət orqanlarında, habelə özəl müəssisələrdə də mövcuddur. Hətta bir çox tanınmış yerli və beynəlxalq şirkətlər var ki, öz işçiləri üçün "dress-kod" müəyyən edirlər.  Eyni zamanda, Nazirliyin tabeliyində olan teatr və mədəniyyət mərkəzlərində, yaradıcı sahədə çalışan çoxsaylı işçilər üçün geyim və aksessuarların səhnə mədəniyyətinin tərkib hissəsi olduğunu nəzərə alaraq bildiririk ki, həmin işçilərin geyimləri ilə bağlı heç bir tələb və ya tövsiyə nəzərdə tutulmayıb'' - deyə məlumatda vurğulanıb. 

Milli.Az 

İllik 14.5%-dən 30 000 manat zaminsiz komissiyasız kredit

Şərh yaz:

6 Şərh:

  • Anonim
    Mən · 17 May 10:0424

    Dar geyimi başa düşdüm və doğru qərardır.Ancaq ayaqqabıya,dodaq-dırnaq boyasına,cins şalvara qoyulan qadağa yersizdir deyə düşünürəm.

    Cavab yaz
    • Anonim
      jennet · 17 May 21:0800

      nasil tirnak taksan çok guzel olur

      Cavab yaz
  • Anonim
    advokat · 17 May 10:0842

    Bunu çoxdan etmək lazım idi. Və bu cür qərar digər nazirlik, idarə və komitələrdədə qəbul olunmalıdı. Gecdə olsa.

    Cavab yaz
    • Anonim
      @ · 17 May 12:4002

      Nəyi çoxdan etmək lazım idi? Dırnaq boyası qadağasını yoxsa dar şalvarı?

      Cavab yaz
    • Anonim
      jennet · 17 May 21:1001

      çok guzel tyrnaklaryn fotarafyny gonder

      Cavab yaz
  • Anonim
    1988 · 17 May 11:5342

    Lap yaxsi edibler.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics