Ölkə

Tibbi maskanın ləğvi yoluxma sayını artıra bilər? - AÇIQLAMA

25 Aprel 2022 10:48

1 Şərh Baxış: 2 476

VTB-də minimal faiz dərəcəsi ilə nağd kredit 9.9%-dən

#KARANTİN

Ölkəmizdə maska qadağasının yığışdırılması koronavirusa yoluxanların sayını artırmayacaq.

Bunu Trend-in sualına cavab olaraq infeksionist-hepatoloq Mərdan Əliyev bildirib.

Onun sözlərinə görə, Azərbaycanda COVID-19-a yoluxanların sayı azalıb.

"Bunun da əsas səbəbi vətəndaşlarımızın könüllü vaksinasiya prosesinə ciddi yanaşmasıdır. Ölkəmizdə vaksinasiya prosesinin sürətli getməsi qapanmaların açılmasına səbəb olur. Əsas səbəblərdən biri də "omikron" ştammının yoluxduruculuq qabiliyyətinin yüksək olmasıdır. Bu səbəbdən vətəndaşlarımızın böyük əksəriyyəti virusa yoluxub. Bununla da kütləvi immunitet formalaşıb. Bütün bunlara görə ölkəmizdə pandemiya ilə əlaqədar qaqdağaların çoxu götürüldü. Maska qadağasının yığışdırılması da buna sübutdur. Amma bu o demək deyil ki, maskalardan tamamilə istifadəyə son qoymalıyıq. Qapalı yerlərdə maska taxılması tövsiyə olunur", - deyə o bildirib.

Qeyd edək ki, Nazirlər Kabinetinin qərarına əsasən 2022-ci il mayın 1-dən etibarən xüsusi karantin rejimində tənəffüs yollarını qoruyan fərdi vasitələrdən (tibbi maska, parça maska, respirator və s.) istifadə tələbi ləğv edilir.

Eyni zamanda, Azərbaycan Respublikasının beynəlxalq hava limanları ərazisində və Azərbaycan Respublikasında fəaliyyət göstərən təhsil müəssisələrində tibbi maskalardan istifadə artıq məcburi xarakter daşımır və yalnız tövsiyə edilir.

Milli.Az