Avto

"BMW" və "Mercedes"in gizli anlaşması illər sonra üzə çıxdı - Əslində...

7 Yanvar 2025 11:30

Baxış: 2 328

VTB-də minimal faiz dərəcəsi ilə nağd kredit 9.9%-dən

#VOLKSWAGEN AG #AVTO #BAYERİSCHE MOTORENWERKE AG BMW #AVTOMOBİL #MERCEDES-BENZ

Elə bir qalmaqal təsəvvür edin ki, BMW, Volkswagen və Mercedes-Benz kimi nəhənglərin üçünün birlikdə adı hallanır. Bəli, bu, həqiqətən də baş verib və bu şirkətlər öz maraqları naminə ekologiyaya zərər vurub.

Milli.Az xarici mətbuata istinadla xəbər verir ki, avtomobil sənayesində ən məşhurlardan olan BMW, Mercedes və Volkswagen qrupunun (Audi, Porsche, Volkswagen) adı 2006-2014-cü illər arasında uzun müddət müzakirə olunacaq emissiya qalmaqalında hallanıb.

Bu üç şirkət dizel mühərriklərində emissiyanın azaldılması texnologiyalarını bilərəkdən zəiflədərək xərcləri aşağı saxlamağa çalışıblar. Bunun üçün gizli şəkildə əməkdaşlıq edərək bir-birlərinin tərəfini tutublar.

Belə ki, BMW, Volkswagen və Mercedes-Benz, xüsusilə "AdBlue" adlı emissiyanı təmizləyən mayenin istifadəsini təmin edən çənlərin ölçüsünü məhdudlaşdırıblar. Daha böyük çənlər zərərli azot oksidi qazını daha çox təmizləyə bilərdi, lakin xərclərə qənaət etmək məqsədilə bunu etməyiblər.

2006-2014-cü illər arasında baş verən razılaşma Daimler şirkətinin Avropa Komissiyasına müraciəti ilə üzə çıxıb. Daimler günahını etiraf etdiyi üçün cəzalandırılmayıb. Volkswagen 502 milyon avro cərimələnib, BMW isə 373 milyon avro cəriməyə məruz qalıb.

Təbii ki, cəzalar yalnız maddi zərərlə məhdudlaşmayıb. Bu üç böyük şirkətin ətraf mühitə qarşı laqeyd yanaşması və etik olmayan davranışları istehlakçıların etibarını da ciddi şəkildə sarsıdıb.

Bəzi ölkələrdə istehlakçılar sahib olduqları avtomobillərin vəd edilən emissiya standartlarına uyğun olmadığını iddia edərək inanılmaz miqdarda təzminat istəyiblər. 2023-cü ildə Cənubi Koreya bu şirkətlərə 33 milyon dollar cərimə tətbiq edib. Beləliklə, markaların həm nüfuzu zədələnib, həm də ciddi səviyyədə maddi itkilər yaşanıb.

İslam
Milli.Az