Ermənistan

Paşinyan bu iki ərazinin Azərbaycana veriləcəyini elan etdi – Qazaryan

5 Dekabr 2024 10:07

Baxış: 3 735

VTB-də minimal faiz dərəcəsi ilə nağd kredit 9.9%-dən

#ERMƏNİSTAN #ERMƏNİ

"Ermənistanın Baş naziri Nikol Paşinyan parlamentdə KTMT ilə bağlı açıqlamaları ilə Sünik (Zəngəzur - red.) və Vayots Dzorun (Dərələyəz mahalı - red.) Azərbaycana təhvil veriləcəyini elan etmiş oldu".

Milli.Az xəbər verir ki, bu iddia ilə erməni ekspert Edqar Qazaryan deyib.

O, Paşinyanın son açıqlamalarının erməni xalqına mesaj olduğunu bildirib:

"Baş nazir Ermənistanın KTMT-yə dönüş yolunun artıq olmadığını dedi. Yəni Azərbaycanla hərbi qarşıdurma olarsa, bu təşkilata mütaciət etməyəcəyik. Çünki o, KTMT-nin buna mane olmayacağını deyib. 2024-cü ildə Rusiya hərbçiləri İrəvanın tələbi ilə Sünikdən çıxarıldı. Həmçinin Azərbaycanla sərhəddə yerləşən qoşunların 17 bazası da ləğv olunub. Bunların bəziləri Tiqaranaşen (Kərki-red.) yaxınlığında yerləşirdi".

Qazaryan xatırladıb ki, Ermənistan Rusiyaya Qafanda konsulluq açmağa icazə vermir. O bunu guya sözügedən "ərazilərin təhvilinə indidən şərait yaratmaq" kimi təqdim etməyə çalışıb.

"Paşinyanın son çıxışı məhz bunun elanı idi", - deyən E.Qazaryan dolayı yolla Ermənistanın təxribata hazırlaşdığını etiraf edib. /Globalinfo.az/

Milli.Az