Ermənistan

Fürsəti əldən vermişik - Marukyan

30 İyul 2024 18:26

Baxış: 1 873

VTB-də minimal faiz dərəcəsi ilə nağd kredit 9.9%-dən

#ERMƏNİSTAN

Azərbaycanın COP29-a hazırlaşdığı vaxtda hər hansı hərbi əməliyyat ehtimalı çox azdır.

Milli.Az teleqraf.com-a istinadən bildirir ki, bunu Ermənistan hökumətinin xüsusi işlər üzrə keçmiş nümayəndəsi Edmon Marukyan deyib.

"Bu, sadəcə olaraq, məğlubiyyətimizi və müharibənin nəticələrini bizə xatırlatmaq üçün növbəti cəhddir. Sülh müqaviləsinin imzalanması ehtimalı da son dərəcə aşağıdır. Biz sülhün ən azı erməni tərəfinə uyğun şərtlərlə saziş imzalamaq fürsətini əldən vermişik. Əvvəllər Bakı İrəvanla heç olmasa nəyisə müzakirə etməkdə maraqlı idi. Ona görə ki, Ermənistanın Qarabağda yaşayan ermənilər kimi bir "aləti" vardı. İndi bu alət yoxdur. Ona görə də Azərbaycana heç nə maraqlı deyil.

Ermənistanın əlində qalan son alət Azərbaycanın tələb etdiyi dəhlizdir. Hazırkı durumda Bakı bütün fəaliyyətini bu "alət"i İrəvandan almağa yönəldib. Bu məsələnin necə həll olunacağını hələ ki heç kim bilmir. Qərar müəyyən geosiyasi proseslərin nəticəsindən çox asılı olacaq", - Marukyan bildirib.

Milli.Az
Xəbərlərimizi WhatsApp kanalımızdan da oxuyun