Ermənistan

Moskva bunu İrəvana bağışlamayacaq: BU ŞƏXSLƏRƏ görə gərginlik pik həddə

11 Mart 2023 12:05
Baxış: 3 500
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ermənistan hakimiyyətinin erməni mənşəli bir sıra Rusiya vətəndaşlarının ölkəyə girişinə qadağa qoyması iki ölkə arasında növbəti gərginlik yaradıb.

Artıq məsələni Rusiya Prezidentinin mətbuat katibi Dmitri Peskov da şərh edib və xatırladıb ki, "Ermənistan təkcə Rusiyanın müttəfiqi deyil, həm də onun böyük dostudur. Ona görə də, Rusiya tərəfi bu cür hadisələrə mənfi münasibət bəsləyir. İkitərəfli münasibətlərin səviyyəsi və xarakteri bizi belə hallardan qorumağa məcbur edir", - deyə TASS xəbər agentliyi sözçünün sözlərini sitat gətirib.

Xatırladaq ki, bir müddət əvvəl "News Media" nəşriyyatının rəhbəri Aram Qabrelyanov, RT telekanalının baş redaktoru Marqarita Simonyan və rusiyalı deputat Konstantin Zatulinin Ermənistana girişi qadağan edilib. Əksər ekspertlər bunu Ermənistan hökumətinin Qərbə xoş gəlmək, ondan yararlanmaq, necə dəyərlər, bir az da "çörək" almaq ümidi ilə etdiyini vurğulayırlar. Açıq anti-Rusiya kursu yürütdüyünü bildirirlər.

Politoloq Andranik Hovannisyan "Ermənistanda kimin cürəti çatır, yaxud gücü olmalıdır ki, erməniləri öz vətənlərinə buraxmasın? Məsələn, Aram Qabrelyanov bu yaxınlarda hakimiyyətin qərarını təkzib etmək və ölkəyə sərbəst daxil olmaq hüququnu bərpa etmək üçün məhkəməyə verməyə hazır olduğunu bəyan edib. Üstəlik, onun ikinci vətəndaşlığı ermənidir" deyib. Öz növbəsində ekspert Sergey Markedonov isə "Ermənistan hökuməti doğrudanmı gələcək taleyini Qərblə bağlamaq istəyir?" sualı ilə çıxış edib.

Görünən odur ki, Kreml İrəvanın bu istəyini cəzasız buraxmayacaq. Yaxınlarda daha sərt anti-erməni qərarlar və mesajlar verilə bilər.

Azər Nuriyev
Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.