Ermənistan

Erməni deputat ordudakı itkilər HAQDA: “Bu statistika ölkənin faciəsidir”

16 Avqust 2022 17:30
0 Şərh     Baxış: 966

Ermənistan parlamentinin "Mənim şərəfim" müxalifət fraksiyasından olan deputatı Tiqran Abramyan 2022-ci il avqustun birinci yarısında Ermənistan ordusundakı itkilərdən danışıb.

Milli.Az bizim media-ya istinadən xəbər verir ki, bu barədə o, özünün Facebook səhifəsində yazıb.
"Avqustun birinci yarısı üçün Silahlı Qüvvələrdə qeyri-döyüş itkilərinin statistikasına baxıram. Bu, özlüyündə ordu və ölkə üçün böyük faciədir. 15 gündə 5 itki. Hamısı da döyüş olmayan şəraitdə baş verib".

Deputat Abrahamyan öz şərhində qeyd edir ki, Azərbaycan ordusunun "Qisas" əməliyyatı zamanı iki Qarabağ separatçısı məhv edilib. 

Tiqran Abramyan onu da bildirir ki, avqustun birinci yarısında 20-yə yaxın erməni hərbçi yaralanıb. 

"Avqustun 3-dən 4-nə keçən gecə Müdafiə Nazirliyinin N saylı hərbi hissəsinin üç aylıq təlim-məşq toplanışının üzvü, ehtiyatda olan sıravi Atom Razmikoviç Arutyunyan (1978-ci il təvəllüdlü) yuxuda qəflətən dünyasını dəyişib.

Avqustun 7-də Qeqarkunik vilayətində (Göyçə mahalı) fövqəladə hadisə baş verib. Saat 16:00 radələrində Fövqəladə Hallar Nazirliyinə Göyçə gölündə vətəndaşın çimərkən batması barədə məlumat daxil olub.

Sonradan məlum olub ki, adıçəkilən vətəndaş üç aylıq hərbi təlimin iştirakçısıdır. Avqustun 7-də N saylı hərbi hissənin müqaviləli əsgəri, sıravi Arşaluys Vramoviç Ovannisyan (1976-cı il təvəllüdlü) qəflətən dünyasını dəyişib.

Avqustun 9-da Respublikanın şimal-şərq istiqamətində yerləşən N saylı hərbi hissənin atəş mövqeyində müddətli həqiqi hərbi xidmət hərbi qulluqçusu, sıravi əsgər Erik Armenoviç Karsyanın (2003-cü il təvəllüdlü) sinəsindən güllə yarası ilə meyiti aşkar edilib. Hadisənin baş vermə şəraitinin tam aydınlaşdırılması üçün araşdırma aparılır.

Avqustun 14-də saat 15:20 radələrində Müdafiə Nazirliyinin N saylı hərbi hissəsinin müqaviləli hərbi qulluqçusu sıravi Manvel Myasnikoviç Tadevosyanın səhhəti kəskin pisləşib. Dərhal tibbi yardım göstərilsə də, əsgərin həyatını xilas etmək mümkün olmayıb.
Ölümün səbəbini müəyyən etmək üçün məhkəmə-tibbi ekspertizası təyin edilib", - erməni deputat qeyd edib.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics