Amerika

Tramp: "Əsas hədəf rəhbərliyin başını kəsməkdir"

2 Mart 2026 00:37

Baxış: 2 479

VTB-də minimal faiz dərəcəsi ilə nağd kredit 9.9%-dən

#AMERİKA

ABŞ ordusu İran əməliyyatları zamanı ilk dəfə olaraq 3 hərbi qulluqçusunun həlak olduğunu təsdiqlədikdən sonra, Prezident Tramp bu itkiləri "gözlənilən" adlandırıb və əsas hədəfin "rəhbərliyin tamamilə sıradan çıxarılması" olduğunu vurğulayıb.

Milli.Az xəbər verir ki, şənbə günündən başlayan hücumlardan bəri ilk dəfə 3 ABŞ hərbçisi döyüş tapşırığını yerinə yetirərkən həlak olub.

ABŞ hərbiyyəsi 5 nəfərin ağır yaralandığını, digər hərbçilərin isə yüngül xəsarətlər aldığını və artıq xidmətə qayıtdığını bildirib.

Prezident bu acı xəbərə münasibət bildirərkən deyib: "Üç itkimiz var, lakin belə bir işdə itkilərin olacağını gözləyirdik. Sonda bu, dünya üçün böyük bir sövdələşmə olacaq."

Tramp əməliyyatın yekun nəticəsi ilə bağlı suala cavab verərək strateji məqsədini açıq şəkildə ifadə edib.

O, bir nömrəli hədəfin İran rəhbərliyinin "başını kəsmək", yəni idarəetməni tamamilə məhv etmək və "qatillər və quldurlar qrupu" adlandırdığı rejimi yox etmək olduğunu bildirib.

Tramp əməliyyatın "qısa versiyası" və ya "daha uzun versiyası" kimi müxtəlif ssenarilərin masada olduğunu qeyd edib.

Lalə Qüdrətova
Milli.Az