Amerika

ABŞ ikinci hücuma hazırdır

3 Yanvar 2026 22:08
Baxış: 1 812
VTB-də minimal faiz dərəcəsi ilə nağd kredit 9.9%-dən
#AMERİKA #DONALD TRAMP

Donald Tramp ABŞ-nin Venesuelaya zərbələr endirməsi, ölkə prezidenti Nikolas Maduro və həyat yoldaşı Siliya Floresin ələ keçirilməsindən sonra Mətbuat konfransı keçirib.

Milli.Az xəbər verir ki, o, çıxışı zamanı mühüm mesajlar verib. Trampın çıxışından əsas məqamları təqdim edirik:

Tramp bildirib ki, ölkədə hakimiyyətin "təhlükəsiz, düzgün və ağlabatan keçidi" baş tutana qədər Venesuelanı Amerika Birləşmiş Ştatları idarə edəcək. ABŞ-nin bunu konkret olaraq hansı mexanizmlə həyata keçirəcəyi barədə suallar verilsə də, prezident hələlik detalları açıqlamayıb.

Trampın sözlərinə görə, ABŞ-nin nəhəng neft şirkətləri Venesuelaya daxil olacaq. "Dağılmış neft infrastrukturunu təmir edəcəklər, ölkə üçün "pul qazanmağa" başlayacaqlar."

Tramp qeyd edib ki, ABŞ ehtiyac yaranarsa, Venesuelaya qarşı ikinci hücum təşkil etməyə tam hazırdır. Lakin o, keçirilən ilk əməliyyatın uğurlu olması səbəbindən buna ehtiyac qalmayacağını ehtimal etdiyini bildirib.

Tramp ABŞ və Venesuela arasında yeni bir "tərəfdaşlıq" dövrünün başladığını elan edib. O, bu münasibətlərin venesuelalıları "varlı, müstəqil və təhlükəsiz" edəcəyini iddia edib. Maduronu isə yenidən "qeyri-qanuni diktator" adlandırıb.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.