Amerika

NASA 50 ildən sonra astronavtları yenidən Ay səfərinə göndərir

25 Sentyabr 2025 12:45

Baxış: 1 572

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #NASA

ABŞ-in kosmik agentliyi NASA yarım əsrlik fasilədən sonra ilk dəfə olaraq astronavtları Ay ətrafına göndərməyi planlaşdırır.

Milli.Az xəbər verir ki, "Artemis II" adlanan missiya 2026-cı ilin fevralında həyata keçiriləcək və 10 gün davam edəcək. Səfərdə 4 astronavt iştirak edəcək və əsas məqsəd kosmik sistemlərin sınaqdan keçirilməsi, gələcəkdə Ay səthinə eniş və uzunmüddətli baza qurulması üçün şərait yaratmaqdır.

NASA bu uçuşla Ay missiyalarını bərpa etməyə bir addım daha yaxınlaşır. Missiyanın uğurlu olması, gələcəkdə insanın Ayda daimi mövcudluğu üçün mühüm mərhələ hesab olunur.

"Artemis" proqramının buraxılış direktoru Çarli Blekvel-Tompson bildirib ki, astronavtları aparacaq güclü SLS raket kompleksi artıq tamamlanmaq üzrədir. Hazırda Orion kapsulunun sınaqları və son texniki işlər davam etdirilir.

Qeyd edək ki, bu missiya 2022-ci ildə həyata keçirilən pilotsuz "Artemis I" sınağının davamı olacaq.

Asya
Milli.Az