PUL
ABŞ-ın Kentukki ştatındakı "Waverly Hills Sanatorium" dünyanın ən qorxunc, "cəhənnəm" adlanan xəstəxanalarından biridir.
Milli.Az AHT-yə istinadən bildirir ki, sanatoriya adlanan bu məkan 1910-cu ildə vərəm xəstəxanası kimi fəaliyyətə başlamışdı.
Lakin o zaman vərəmi müalicə etmək üçün preparatlar, hətta streptomisin belə, olmadığından xəstələr ölürdülər.
Veyverli Hillsdəki "sanatoriya" 64 min xəstənin son məkanı oldu.
1961-ci ildə qapadılan sanatoriya bir neçə il sonra ruhi-əsəb dispanseri kimi fəaliyyətə başlayıb. Lakin burada xəstələrə divan tutulduğu üçün "sanatoriya" 1982-ci ildə təkrar qapadıldı.
Xəstələrin dediklərinə görə, binanın 3-cü və 5-ci mərtəbələrində mistik, qorxulu, vahiməli hadisələr baş verirmiş. 502-ci palataya yerləşdirilən xəstələr isə gecə saatlarında qorxudan bağırırdılar: səhərlər onlar ölü tapılırdılar.
Xəstəxananın digər məşhur "yer"i isə "Ölüm tuneli" kimi tanınan 150 metrlik dəhlizdir. Ölən xəstələr bu dəhlizlə morqa aparılırdı.
Bu başabəla xəstəxanada yaşananlardan 2006-cı ildə çəkilmiş "Spooked: The Ghosts of Waverly Hills Sanatorium" filmində də bəhs olunmuşdu.
Milli.Az
Böyütmək üçün şəkillərə klikləyin.
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
