Tailandın paytaxtı Banqkokun şimal hissəsindəki binalardan birində partlayış baş verib.
Lad Piakao məhəlləsindəki partlayışda 7 nəfər həlak olub, 14 nəfər yaralanıb.
Milli.Az Bangkok Post-a istinadən bildirir ki, partlayış səbəbi 2-ci Dünya Müharibəsi illərindən qalmış aviasiya bombasının utilə verilməsi və bu bombanın da avtogenlə kəsilməyə cəhd göstərilməsidir.
Metal tullantısı qəbulu məntəqəsinin işçilərindən biri "ağıllı" hərəkət edərək bombanı avtogenlə doğramaq fikrinə düşmüşdü.
Polisdən verilən məlumata görə, paslı aviabomba 227 kq ağırlıqda olub.
Metal tullantısı qəbulu məntəqəsinin yerləşdiyi binadakı partlayışda 5 nəfər hadisə yerində həlak olub, iki nəfər xəstəxanada keçinib.
Partlayışdan sonra başlanmış yanğın qonşu binalara böyük zərər vurub.
Milli.Az
Böyütmək üçün şəkillərə klikləyin.Videonu izləmək üçün şəklə klikləyin.