PUL
"Kurtlar vadisi" serialındakı Memati rolu ilə məşlhurlaşmış aktyor Gürkan Uyğun Birləşmiş Ərəb Əmirliklərinin MBC4 telekanalındakı "Türki Extra" proqramının qonağı olub.
Milli.Az DHA-ya istinadən bildirir ki, proqramın aparıcısı Liana Dahduhun suallarını cavablayarkən G.Uyğun deyib: "Serial nümayiş olunmağa başlayanda hansı yaş qrupu üçün nəzərdə tutulduğu ekranda yazılırdı. Amma uşaqlar da baxırdılar. Mən isə qızıma zorakılıq və atışma səhnələrinə baxmasına icazə vermədim. Özüm də sakit insanam. Həyatımda cəmi bir-iki dəfə dava etmişəm".
L.Dahduhun "İstanbulda mafiya varmı?" sualına cavab verərkən G.Uyğun bildirib ki, mafiya 10 il əvvəl, "Kurtlar vadisi" yeni başlayanda çox güclü idi.
"O güc artıq qalmayıb. İnsanlar ədalətin olmadığı ölkədə yaşayırlarsa, dövlət qurumlarından ədalət tapmırlarsa, onda problemlərini həll etmək üçün mafiyaya üz tuturlar. Çox şükür, bunlar qalmadı. Lakin ədalət sistemimizin mükəmməlləşdiyini deyə bilmərəm. Xeyr, belə olmadı", - G.Uyğun deyib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
