İdman

İranın İslamiadada bayraqdarı qadın idmançı olacaq

24 Aprel 2017 10:12

1 Şərh Baxış: 1 095

#DÜNYADA #CƏMİYYƏT #IRAN #İDMAN #IV İSLAM HƏMRƏYLİYİ OYUNLARI

İranın Bakıda keçiriləcək IV İslam Həmrəyliyi Oyunlarındakı bayraqdarı qadın idmançı olacaq.

Milli.Az report-a istinadən xəbər verir ki, bu, atıcı Mahlaqa Jambozorqdur.

25 yaşlı idmançı mayın 12-də Bakı Olimpiya Stadionunda keçiriləcək Açılış Mərasimində öz ölkəsinin bayrağını daşıyacaq. MOK prezidenti Şahruh Şahnazi bildirib ki, Jamborzorq qarşıdakı idman yarışının xarakteri və bütün bədənini örtən çadra gəzdirməsi ilə əlaqədardır: "O, Oyunlarda hicabla çıxış edəcək iranlı qadınlar üçün yaxşı nümunədir".

Qeyd edək ki, İslamiadada İranın 180-dək idmançısı 16 növ üzrə mübarizə aparacaq. Mahlaqa Jambozorq 2012-ci il London və 2016-cı il Rio-de-Janeyro Yay Olimpiya Oyunlarında 10 metr məsafəyə tapançadan atəş açma yarışında mübarizə aparıb. O, 2015-ci il Universiadasında qızıl, gümüş və 2 bürünc, 2010-cu il Asiya Oyunlarında gümüş və bürünc medal qazanıb.

Milli.Az

Digər maraqlı xəbərlər Milli.Az-ın Facebook səhifəsində