Avropa Oyunları: sərbəst güləşçilərimizin qızıl və bürünc ümidi! - YENİLƏNİB - FOTO

11:57

Milli.Az bildirir ki, 53 kq çəki dərəcəsində ölkəmizi təmsil edən Anjela Doroqan 1/2 final mərhələsində Makedoniya güləşçisi Budu Natalianı 0-5 hesabı ilə məğlub edərək finala çıxıb!

58 kq çəki dərəcəsində 1/2 final görüşündə güləşçimiz İrina Netreba macar Emese Barka ilə yarışıb. Rəqibinə 1-3 hesabı ilə uduzan Netrebanın bürünc medal şansı qalır.

---------

11:34

Milli.Az bildirir ki, 53 kq çəki dərəcəsində ölkəmizi təmsil edən Anjela Doroqan 1/8 final mərhələsində Türkiyə güləşçisi Merve Kengerlini 1-3, 1/4 finalda isə macarıstanlı Mersedes Denesi 5-0 hesabı ilə məğlub edərək yarımfinala çıxıb!

---------

11:26

Milli.Az bildirir ki, 58 kq çəki dərəcəsində 1/4 final görüşündə güləşçimiz İrina Netreba bolqar Mimi Hristova ilə yarışıb. Rəqibinə 1-3 hesabla qalib gələn idmançımız 1/2 finalda!

----------

11:19

Milli.Az bildirir ki, 75 kq çəki dərəcəsindəki idmançımız Gözəl Zutova 1/8 final mərhələsində ukraynalı Oksana Vaşçuk ilə görüşüb. Qarşılaşma idmançımızın 1-3 hesablı məğlubiyyəti ilə bitib.

-----------

10:34

Milli.Az bildirir ki,  63 kq çəki dərəcəsində güləşçimiz Elmira Qəmbərova 1/8 final mərhələsində İsveçdən olan Henna Cohanssona 0-5 hesabı ilə uduzdu. 

---------

10:28

Milli.Az bildirir ki, 58 kq çəki dərəcəsində 1/8 final görüşündə güləşçimiz İrina Netreba italiyalı Karola Raynero ilə yarışıb. Rəqibinə 1-3 hesabla qalib gələn idmançımız 1/4 finalda!

-----------

09:56

Milli.Az Bakı-2015-in rəsmi saytına istinadən bildirir ki, Avropa Oyunlarının 5-ci günündə qadınlar arasında sərbəst güləş üzrə yarışlar davam edir.

Qarşılaşmalar Heydər Əliyev adına İdman Arenasında keçirilir.

Xanımlar bu gün 53, 58, 63, 75 kq çəki dərəcələrində yarışacaqlar. 

53 kq çəki dərəcəsində ölkəmizi təmsil edən Anjela Doroqan mübarizəyə birbaşa 1/8 final mərhələsindən başlayacaq. O, 10:49-da Türkiyə təmsilçisi Merve Kengerlə qarşılaşacaq.

58 kq çəki dərəcəsində Azərbaycan adına İrina Netreba yarışacaq. 10:14-də başlanacaq 1/8 final görüşündə onun rəqibi italiyalı Karola Raynero olacaq. 

63 kq çəki dərəcəsində güləşçimiz Elmira Qəmbərova da 1/8 final mərhələsindən mübarizəyə başlayacaq. 10:28-də başlanacaq görüşdə onun rəqibi İsveçdən Henna Cohansson olacaq. 

75 kq çəki dərəcəsindəki idmançımız Gözəl Zutova 1/8 final mərhələsində ukraynalı Oksana Vaşçuk ilə görüşəcək. Qarşılaşma 10:56-da başlanacaq. 

İdmançılarımıza uğurlar arzulayırıq! 

Milli.Az

------------

12:54

Foto: Trend