PUL
Milli.Az Regional TV-yə istinadən xəbər verir ki, Şabran rayonun Udulu kəndindəki, dəvələr rayon mərkəzinin 25-30 kilometrliyində - dəniz kənarında yerləşən kiçik bir dəvəçilik təsərrüfatında saxlanılır. "Səhra gəmiləri"ni rayona fermer Həsən Əliyev Abşerondan gətirib. O zaman heyvanların sayı 4 olub. Hazırda isə təsərrüfatda 8 dəvə saxlanılır.
Həsən Əliyevin sözlərinə görə , indiyədək bir dəfə, bayram günləri ərəfəsində dəvələrin biri kəsilib. Bu heyvanın əti qidalılığına görə mal ətindən zəngindir. "Səhra gəmiləri"nin əti ilə yanaşı, südü də bir çox xəstəliklərin dərmanı hesab edilir. Elə bu səbəbdəndir ki, dəvə südü əldə etmək üçün respublikanının müxtəlif bölgələrindən Udulu kəndinə üz tutanlar olur. Südün 1 litri isə 100 manata satılır.
Dəvələr sahibi yanında olmadan 15-16 km məsafə qət etdikdən sonra geriyə öz yerinə qayıtmağı bacarır. İlk baxışdan dəvələr xoş təssürat yaratmasa da, insana uyğulaşdıqca bu heyvanların mehriban olduğu üzə çıxır. Hətta Bəzi ərəb ölkələrində dəvələrin iştirak etdiyi müxtəlif gözəllik yarışlar da keçirilir. Yarışlarda uzun ayaqlara, badamı gözlərə və dolğun bədənə malik olan dəvələr mükafatlandırılır.
Milli.Az
Videonu izləmək üçün şəklə klikləyin.
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
