PUL
Yaz aylarını yaşamağımıza baxmayaraq, qarlı hava şəraiti ölkəmizdə hələ də davam edir. Bu isə havalarin isindiyi təqdirdə çaylarda sululuğun artacağından xəbər verir. Odur ki, sel təhlükəsinin qarşının alınması işlərinə indidən start verilməlidir. Milli.Az Kanal S-ə istinadən xəbər verir ki, Oğuzda da bu məqsədlə qabaqlayıcı tədbirlər həyata keçirilir. Oğuz rayonunda daşqınların daha çox qeydə alındığı çayların məcralarının təmizlənməsi işləri davam edir. Bəzi ərazilərdə bəndlər bərpa edilir, bəzilərində isə təbii bəndlər qurulur.
Qalaçay və Daşağıl çayı boyunca, Xalxal və Xalxalqışlaq istiqamətində əkin sahələrini sel sularından qorumaq məqsədi ilə bəndlərin qurulmasına xüsusi fikir verilir. Sel təhlükəsinin çox olduğu ərazilərdə hətta dəmir torlarla bənd bağlama işləri həyata keçirilir. Sel təhlükəsinin yaşandığı ərazilərdən biri də bolsulu çaylardan olan Türyançayın sağ sahilində yerləşən Mollalı kəndidir. 150 ailənin yaşadığı kəndi sel təhlükəsindən qorumaq məqsədilə hər il olduğu kimi, bu il də çay məcralarının təmizlənməsi və bəndləmə işləri aparılır. 500 metr uzunluğunda olacaq bəndləmə işləri yaxın vaxtlarda başa çatdırılacaq.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.png)
