Cəmiyyət

Pullular Xəzəri əlimizdən belə alırlar - VİDEO

27 Fevral 2014 12:09

Baxış: 1 279

VTB-də minimal faiz dərəcəsi ilə nağd kredit 10.49%-dən

#AZERBAİJAN #CƏMİYYƏT #VİDEO

Millət vəkili Zeynəb Xanlarovanın dəniz sahili zolaqların villalarla zəbt olunması məsələsinə ötən gün Milli Məclisdə toxunması əslində Bakı ətrafi qəsəbə və kəndlərinin sakinlərinin çoxdan narahat edən problem idi.

Elə bu səbəbdən problemə Bakı kəndlərinin sakinlərinin gözü ilə baxmaq istəyirik.

Sahil boyu dənizi seyr edirik. Həqiqətən də, dənizin hasarlanmış sahili gözümüzdən yayınmır. Bu kəndlərdə doğulub-böyüyənlər deyirlər ki, keçmişdə dənizin sahili ilə düz Sumqayıta qədər getmək olardısa, indi bu, mümkünsüzdür.

Sakin Əhmədağa Əsgərzadə: "Mənim uşaqlarım, nəvələrim dənizin qırağına çıxa bilmirlər, çünki alınıb o yerlər, hamısı hasarlayıb, gedib giriblər dənizin içinə."

Milli.Az anspress-ə istinadən xəbər verir ki, Bilgəh və Nardaran qəsəbələri inzibati ərazi üzrə Sabunçu Rayonu İcra Hakimiyyətinə tabe olduğundan, millət vəkili Zeynəb Xanlarovanın iddiasina Sabunçu Rayon İcra Hakimyyətindən açıqlama gəldi. Qurumdan dəniz sahili boyunca tikilən bağların qanunvericiliyin tələblərinə uyğun olub-olmamasını öyrəndik.

Sabunçu İH başçısının müavini Qəzənfər Həsənov: "O torpaqlar hamısı qanunun tələbləri əsasında satılıb, sənədləşdirilib. İkincisi də Zeynəb xanım bizim ərazinin millət vəkili deyil və sakinlər heç vaxt ona şikayət etməyiblər. Biz indi bilmirik ki, o, niyə belə edib. O ərazidə onun da bağı var. Bir neçə dəfə bağında problem olanda icra hakimiyyətinə müraciət edib, biz ona kömək etmişik".

Ölkənin torpaq haqqında qanununda isə deyilir ki, dənizin sahilboyu 20-50 metrlik zolağının altında olan torpaqlar müvafiq icra hakimiyyəti orqanının icazəsi əsasında, dənizə gediş gəlişi məhdudlaşdırmamaq şərtil ilə hasarlana bilər.

Milli.Az

Milli.Az - Xəbər Portalı

Pullular Xəzəri əlimizdən belə alırlar - VİDEO

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?