16:19
Ötən gecə saat 22:30-da Azərbaycan-Ermənistan qoşunlarının təmas xəttində Cəbrayıl rayonunun Cocuq-Mərcanlı kəndi ərazisində mina partlaması nəticəsində Ordumuzun 3 hərbçisi ölüb, 6 əsgər ağır yaralanıb. Şəhid olanlar Azərbaycan Ordusunun hərbçiləri - əsgər Novruz Abdullayev, Seyfəddin Kərimov və kapitan Ceyhun Orucəliyev olub.
Milli.Az Kəpəz TV-yə istinadən xəbər verir ki, şəhid olan 19 yaşlı Seyfəddin Kərimov Gəncə şəhər sakinidir. O, ötən ilin oktyabr ayında Səfərbərlik və Hərbi Xidmətə Çağırış Üzrə Dövlət Xidmətinin Kəpəz rayon şöbəsindən həqiqi hərbi xidmətə çağırılıb. Hazırda Kərimovun ailə üzvləri və yaxınları mərhumun dəfn mərasiminə hazırlaşırlar. Mərhumun nəşinin axşam saatlarında ailəsinə təhvil veriləcəyi gözlənilir.
Nəvai Kərimov, şəhidin atası: "Yunan- Roma güləşi üzrə yeniyetmələr arasında üç dəfə respublika çempionu olub. Mənimlə danışanda heç nə demirdi. Nə soruşurdum deyirdi hər şey yaxşıdır".
----------
13:44
Trend bildirir ki, cəbhənin Füzuli istiqamətində mina partlaması nəticəsində ağır yaralanan daha bir hərbi qulluqçu Musayev Bəhruz Məhəmmədəli oğlu da hərbi-sanitar helikopter vasitəsilə Bakı şəhərinə təxliyyə olunub.
Təcili təxirəsalınmaz yardım göstərilməsi üçün yaralılar Silahlı Qüvvələrin Baş Klinik Hospitalına yerləşdirilib.
Hadisə ilə bağlı cinayət işi başlanıb, Hərbi Prokurorluq tərəfindən araşdırma aparılır.
---------
11:25
Aprelin 7-də gecə saat 22.30 radələrində cəbhənin Füzuli istiqamətində mina partlaması nəticəsində Azərbaycan Respublikası Silahlı Qüvvələrinin 3 hərbi qulluqçusu həlak olub, 6 hərbi qulluqçu isə yaralanıb. Bu barədə Trend Müdafiə Nazirliyinin mətbuat xidmətinə istinadən məlumat yayıb.
Həlak olan hərbi qulluqçular:
- kapitan Orucəliyev Ceyhun Cəlil oğlu;
- əsgər Kərimov Seyfəddin Nəvai oğlu;
- əsgər Abdullayev Novruz Qurban oğlu.
Yaralı hərbi qulluqçular:
- əsgər Musayev Bəhruz Məhəmmədəli oğlu;
- əsgər Mirzəyev Alı Pənah oğlu;
- əsgər İsgəndərzadə Azər Eyyub oğlu;
- əsgər Zülfüqarov Mürsəl İbrahim oğlu;
- əsgər Cəbrayılov Sadiq Misirxan oğlu;
- əsgər Talıbov Emin Talıb oğlu.
Yaralılara yüksək ixtisaslı yardım göstərilməsi üçün Silahlı Qüvvələrin baş cərrahı və Silahlı Qüvvələrin baş reanematoloqu Füzuli rayonunun Əhmədbəyli yaşayış məntəqəsində yerləşən hərbi hospitaldadırlar.
Ağır yaralı əsgər Talıbov Emin Talıb oğlu hərbi-sanitar helikopter vasitəsilə Bakı şəhərinə təxliyyə olunur.
Müdafiə naziri general-polkovnik Zakir Həsənov şəxsən araşdırma aparmaq üçün bir qrup zabit heyəti ilə hadisə yerindədir.
----------
11:02
Müdafiə Nazirliyi Azərbaycan-Ermənistan qoşunlarının təmas xəttində mina partlaması nəticəsində yaralanan əsgərlərin adları məlum olub. Müdafiə Nazirliyinin mətbuat xidmətindən anspress-ə verilən məlumata görə, yaralanan əsgərlər Bəhruz Musayev, Sadiq Cəbrayılov, Emin Talıbov və Azər İsgəndərzadədir. Yaralı əsgərlər hospitala yerləşdiriliblər. Müxtəlif dərəcəli xəsarətlər alan əsgərlərin vəziyyətləri orta-ağırdır.
----------
09:49
Müdafiə Nazirliyi Azərbaycan-Ermənistan qoşunlarının təmas xəttində mina partlaması nəticəsində Azərbaycan Ordusunun 3 hərbçisinin dünyasını dəyişməsi və 4 əsgərin ağır yaralanması faktını araşdırır. Müdafiə Nazirliyinin mətbuat xidmətinin rəhbəri Vaqif Dərgahlı anspress-ə açıqlamasında hadisənin araşdırıldığını deyib. Araşdırmalardan sonra hadisə barədə ətraflı məlumat veriləcək.
---------
09:40
Azərbaycan-Ermənistan qoşunlarının təmas xəttində faciəli hadisə baş verib.
APA-nın məlumatına görə, hadisə cəbhənin Füzuli istiqamətində qeydə alınıb.
Səngərbərkitmə işləri apararkən minanın partlaması nəticəsində Azərbaycan Ordusunun hərbçiləri - əsgərlər Novruz Abdullayev, Seyfəddin Kərimov və kapitan Ceyhun Orucəliyev hadisə yerindəcə dünyasını dəyişiblər. Ordumuzun daha bir neçə hərbçisinin agır yaralandığı bildirilir.
Milli.Az
----------
18:12
Videoları izləmək üçün şəklə klikləyin.
Siyasət
Cəbhə xəttində mina partlayıb, ordumuzun 3 hərbçisi həlak olub, yaralı əsgərlərin adları açıqlandı - YENİLƏNİB - VİDEO
8 Aprel 2014 18:12
1 Şərh
Baxış: 11 506
DİGƏR XƏBƏRLƏR
- ABŞ Bakıda həbsdə olan separatçıların cinayətkar olduğunu çox gözəl anlayır - Sevil Mikayılova - VİDEO
- Ağ Evin son zamanlarda sərgilədiyi münasibətlərdə təzyiq elementlərinin daha da kəskinləşdiyini görürük - Sevil Mikayılova - VİDEO
- Putin İlham Əliyev və Nikol Paşinyanla ikitərəfli görüşlər keçirəcək
- İlham Əliyev Rusiyaya səfərə gedib - VİDEO - FOTO
- Prezidentin adından saxta məlumat yayıldı - Rəsmi - FOTO
- Azərbaycana qarşı "informasiya savaşı": kim, necə, niyə? - ARAŞDIRMA
XƏBƏR LENTİ
- Bətnindəki körpənin cinsiyyəti qız olduğuna görə hamilə qadını döyərək uşağı tələf etdilər - VİDEO
- Millimiz autsayderlə üz-üzə
- “İranın əlində Amerika qanı var” - Harris
- Keçmiş həyat yoldaşı toya XANIMI İLƏ GƏLDİ - Afətin reaksiyası DİQQƏT ÇƏKDİ - FOTOlar
- Əgər övladınız oğlan gedib, qız qayıdırsa... - Tramp
- Azərbaycanın iki rayonunda evləri böcəklər basdı - FOTOlar
- Rodrini həmyerlisi əvəz edə bilər
- Nüvə dövlətindən İsrailə xəbərdarlıq: Bu, təhdiddir!
- ABŞ böyük qasırğaya hazırlaşır - Əhali təxliyə olunur
- Cokoviçdən çinli azarkeşlərə üzrxahlıq
- Markdan həyat yoldaşına unikal hədiyyə - FOTOlar
- “Narahat olma, qızın etibarlı əllərdədir...”
- Azərbaycanda məktəbli anasını 195 bıçaq zərbəsi ilə öldürüb - DETALLAR - FOTOlar
- Ermənistan Cənubi Koreyadan tank almaq istəyir
- Ten Haq "Mançester Yunayted"i tərk edib
- Gülşad Baxşıyeva arxiv FOTOlarını paylaşdı
- Doğma yurdumda yaşamaq mənim üçün fəxrdir - Rafiq Hüseynov
- 11 ildən sonra bir arada - FOTOlar
- Səbirsizliklə gözlədiyim günün gəlib çatdığına sevinirəm - Şuşa sakin
- Vatsapda daha bir - Yenilik
- Alsu və əri məhkəmədə razılığa gələ bilmədilər - VİDEO
- Daha 16 ailə Şuşaya qayıdır - FOTOlar
- Obrazları özlərindən daha çox məşhurlaşan ulduzlar - FOTOlar
- "Nissan"ın yenilənmiş avtomobili təqdim edildi - FOTOlar