Dünyanın ən ekstravaqant müğənnilərindən biri, amerikalı Ledi Qaqa dünən Nyu-Yorkdakı "Roseland Balroom" klubundakı 7-ci konsertindən sonra "BPM Nightclub" gecə klubuna yollanıb.
Onu sevgilisi Tayler Kinni müşayiət edirdi.
Klubda olarkən 28 yaşlı müğənni sevgilisi ilə şəklini çəkib və Twitter-dəki profilində yayaraq yazıb: "Məni sevgilim bəyənir, bəsimdir".
Milli.Az TMZ-yə istinadən bildirir ki, konsertlər seriyasından sonrakı ziyafətdə Ledi Qaqa bildirib ki, səhnədəki erotik rəqslərində və açıq-saçıq hərəkətlərində heç bir qəbahət görmür.
"Bu, sənətdir və sənətlə real həyat arasındakı fərqləri anlamayan insanların tənqidlərini məntiqsiz sayıram. Sənətkarlar həyatdakı kimi olmur, yaşamlarındakı davranış modellərini də səhnədə təkrarlamırlar", - Ledi Qaqa bildirib.
Milli.Az