Ölkə

BANM-də "İlin gənc tədqiqatçısı" müsabiqəsi keçiriləcək

28 Dekabr 2015 11:32
Baxış: 711
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı Ali Neft Məktəbində (BANM) 2016-cı ildən başlayaraq tələbələr arasında hər il "İlin gənc tədqiqatçısı" müsabiqəsi keçiriləcək. Bu barədə BANM-in rəhbərliyi tərəfindən əmr imzalanıb və müsabiqənin təşkili ilə əlaqədar müvafiq əsasnamə təsdiq edilib.

BANM-in İctimaiyyətlə əlaqələr şöbəsindən Milli.Az-a verilən məlumata görə, "İlin gənc təqdiqatçısı" müsabiqəsi ildən-ilə elmi fəaliyyətə qoşulan tələbələrin  sayının artdığını nəzərə alaraq onların elmi fəaliyyətinin keyfiyyət göstəricilərini yüksəltmək və motivasiyasını gücləndirmək məqsədilə həyata keçiriləcək.

Qeyd edək ki, hər tədris ilində elmi işə həvəs göstərən tələbələr Tələbə Elmi Cəmiyyəti xətti ilə planlı şəkildə müəllimlərdən tapşırıqlar alır, araşdırmalar aparır, nəticələri ənənəvi illik elmi-texniki konfranslarda məruzə edirlər. Sonda isə onların məruzələrinin tezisləri toplu şəkildə nəşr olunur.

Hal-hazırda BANM-də mütəxəssis hazırlığı həyata keçirən kafedralar tərəfindən müsabiqənin təşkilinə dair müvafiq tədbirlər həyata keçirilir.  

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.