Dünya

Yoluxma sayı artan ölkədə yenidən karantin rejimi tətbiq olundu - FOTO

30 İyun 2020 13:21
Baxış: 2 252

Əvəllər karantin rejimini tətbiq edən ölkələr bunu bütün ərazisinə aid tətbiq etsə də, hazırda vəziyyət dəyişib. Belə ki, artıq, ölkənin bütün şəhərləri deyil, ancaq, iri, yoluxma sayı çox olan ərazilərində karantin rejimi həyata keçirilir.

Əvvəllər bu üsuldan Türkiyə istifadə edirdi. Hazırda isə, Azərbaycanda da bu qaydalar tətbiq edilir. İngiltərə isə ötən gündən etibarən bu qaydaları tətbiq etməyə başlayıb.

Belə ki, bir neçə gün əvvəl ölkə ərazisində karantin rejimini yumşaldan Britaniya bunun yaxşı nəticə verdiyini görmədikdə ayrı-ayrı bölgələr üçün yenidən sərtləşdirmə tətbiq edib.

Artıq bugündən etibarən Lester şəhərində sərt karantin rejimi həyata keçirilir. Beləliklə, sözügedən şəhərdə restoran, kafe, mağaza, pivəxana və digər həyati əhəmiyyət daşımayan obyektlər bağlanıb. Fotoqrafların çəkdiyi şəkillərdən də göründüyü kimi şəhərdə sadəcə işə gedən şəxslər var.

Lakin İngiltərənin digər şəhərlərində karantin rejimi yumşaldılıb və müəyyən qədər sərbəstlik yaranıb.

Qeyd edək ki, karantin rejimi yumşaldılan kimi Southend ve Bournemouth çimərliklərində yaranan "mənzərə" bütün dünyanın diqqətini çəkmişdi, foto hətta, ölkəmizdə də geniş müzakirələrəs səbəb olmuşdu.

Məlumat üçün bildirək ki, Ümumdünya Səhiyyə Təşkilatının bugünkü statistikasına görə Birləşmiş Krallıqda 312 minə yaxın insan koronavirusa yoluxub, 43 mindən çox insan bu virus səbəbindən dünyasını dəyişib.

Bəxtiyar Umarlı
Milli.Az

Məqaləyə dair fotomateriallar:

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.