Dünya

Avropada uşaqlar arasında yeni xəstəlik yayılmağa başlayıb

30 Aprel 2020 10:33

0 Şərh Baxış: 2 166

#AVROPA #UŞAQ #XƏSTƏLİK

Böyük Britaniya, İtaliya və İspaniyadan sonra Fransada da uşaqlar arasında təhlükəli iltihab sindromu yayılıb.

Milli.Az qafqazinfo-ya istinadən xəbər verir ki, artıq 15 uşaqda aşkarlanan yeni xəstəlik ürək çatışmazlığına da səbəb ola bilər. Bu barədə Fransanın Səhiyyə naziri Olivye Veran müsahibəsində deyib. Onun sözlərinə görə, uşaqların bir neçəsində daha əvvəl koronavirusa yoluxma faktı olub:

"15-dək uşaqda yüksək temperatur, həzm problemi və damar iltihabı aşkarlanıb. Xoşbəxtlikdən hələlik ölüm halı qeydə alınmayıb. Bu simptomların koronavirusla əlaqəsinin olub-olmadığını araşdırmaq lazımdır. Buna görə xəstəliyi öyrənmək üçün alimlərə, səhiyyə təşkilatlarına müraciət edirəm".

Qeyd edək ki, bu xəstəliyə yoluxan uşaqların əksəriyyətində daha çox qarın ağrısı, ürək əzələsinin iltihabı müşahidə olunub.

Milli.Az