Dünya

Son döyüşü azərbaycanlı ilə olan MMA idmançısı öldürüldü

11 Sentyabr 2019 18:04

0 Şərh Baxış: 5 087

#İDMANÇI

Özbəkistanın paytaxtı Daşkəndin Şayxantaxursk rayonunda MMA döyüşçüsü Müslüm Amanov bıçaq zərbəsi ilə öldürülüb.

Milli.Az oxu.az-a istinadən xəbər verir ki, 23 yaşlı idmançının qətlinin təfərrüatı hələlik bəlli deyil.

"Səttarov" komandasını təmsil edən "Müslüm Möminov" kimi də tanınan idmançının MMA-da son döyüşü iyulun 6-da Dağıstanda keçirilmiş "Qorets" turnirində olub. Amanov həmin döyüşdə azərbaycanlı Cəfər İsmiyevi məğlub edib.

Qeyd edək ki, bu, Daşkənddə ilk belə hal deyil. Ötən ilin avqustunda "Aurum 898" gecə klubunda Özbəkistan çempionu, MMA döyüşçüsü Cəmşid Kencayev öldürülmüşdü. Bu cinayətlə bağlı dörd insan mühakimə olunmuşdu. Onlardan üçü beş, biri isə 18 il məhkum olunmuşdu.

Milli.Az