Dünya

Rza Zərrab qurtuldu

18 Oktyabr 2014 11:03
0 Şərh     Baxış: 1 255
VTB-də minimal faiz dərəcəsi ilə nağd kredit 9.9%-dən
#TÜRKİYƏ #MƏHKƏMƏ #TURKEY #TURKİYE HALK BANKASİ A.S. (HALKBANK)
İstanbul Cümhuriyyət Baş Prokurorluğu iş adamı Rza Zərrab (Sərraf), keçmiş nazirlər Müəmmər Gülər və Zəfər Çağlayanın oğulları Barış Gülər və Salih Kaan Çağlayan, "Halkbank"ın sabiq baş müdiri Süleyman Aslanın da aralarında olduğu 53 nəfər haqqında cinayət işinə xitam verib.

APA-nın "Hürriyet"ə istinadən verdiyi xəbərə görə, 17 dekabr 2013-cü il tarixində başlayan və Türkiyədə böyük qalmaqala səbəb olan cinayət işinin istintaqını aparan prokuror Əkrəm Aydınər cinayət işinin qeyri-qanuni olaraq açıldığını və iş üzrə dəlillərin qanunsuz şəkildə toplandığını səbəb göstərərək işə xitam verilməsi barədə qərar qəbul edib.

Qeyd edək ki, indiki prezident, o vaxtkı baş nazir Rəcəb Tayyib Ərdoğan bu cinayət işini Fətullah Gülənin rəhbərlik etdiyi "nurçu" şəbəkənin hökuməti devirmək cəhdi kimi qiymətləndirmişdi. Bu hadisədən sonra çoxlu sayda "nurçu" olduqları bildirilən polis, prokuror və hakim hüquq-mühafizə sistemindən uzaqlaşdırılıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.