Dünya

ABŞ təyyarələri Suriyaya girir

26 Avqust 2014 12:41
0 Şərh     Baxış: 939
VTB-də minimal faiz dərəcəsi ilə nağd kredit 9.9%-dən
#AMERİKA #TƏYYARƏ #SURİYA

ABŞ Suriyaya məlumat yığımı üçün pilotsuz təyyarələr göndərir

ABŞ mətbu orqanı "Wall Street Journal" bildirir ki, ölkənin müdafiə nazirliyi gələcək hücumlar üçün məlumat yığmaq məqsədi ilə Suriyaya pilotsuz təyyarələr göndərməyə hazırdır.

Anspress-in məlumatına görə, nəşr Amerika administrasiyasının adı çəkilməyən nümayəndələrinə istinad edərək bildirir ki, Suriyaya nəzərdə tutula biləcək hücumlar son həftələr ərzində İraqda hədəfdə olan "İslam dövləti" yaraqlılarına qarşı yönələ bilər.

Mənbə bildirir ki, ABŞ mərkəzi ordu qüvvələri müdafiə nazirliyindən artıq lazım ola biləcək təyyarələrin təmin edilməsini istəyib. Uçuşlar yaxın günlərdə nəzərdə tutulub.

"Pentaqon Suriyaya kəşfiyyat uçuşları etməyə hazırdır, - deyə anonimliyini qorumağı tələb edən nümyəndə bildirir. - Hələ ki, zərbələrin endirilməsi qərarı alınmayıb, lakin bu qərarın alınmasının sadələşdirilməsi üçün orada olan vəziyyət haqqında maksimum məlumata ehtiyac var".

Nümayəndə qeyd edir ki, Suriya havadan müdafiə qüvvələri ABŞ təyyarələri üçün təhdid deyil. Buna görə də Suriyadan bu ölkənin hava məkanına girmək üçün heç bir icazə istənilməyəcək. Nəzərə alsaq ki, Suriyada olan girovların xilas edilməsi üçün ABŞ iyulda bir dəfə də bunu edib, məsələ aydın olur.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.