Dünya

İhsanoğlunu oğlu biabır etdi

22 İyul 2014 10:07
1 Şərh     Baxış: 1 008
VTB-də minimal faiz dərəcəsi ilə nağd kredit 9.9%-dən
#HADİSƏ #TÜRKİYƏ

Polis onun şəxsiyyətini təsdiq edəndə gözlərinə inanmayıb

Türkiyədə prezidentliyə namizəd Ekmələddin İhsanoğlunun oğlu atasını biabır edib.

Anspress-in məlumatına görə, Türkiyədə avqustun 10-da keçiriləcək prezident seçkilərində müxalif partiyaların vahid namizədi olaraq göstərilən professor Ekmələddin İhsanoğlunun oğlu cümə axşamı gecəsi polis şöbəsinə aparılıb.

Yeniköy Köybaşı prospektində gecə saatlarında bir vətəndaşın sahildə spirtli içki qəbul edərək, dənizə girdiyi və ətraf mühiti çirkləndirdiyi şikayəti ilə polisə məlumat verilib.

Hadisə yerinə gələn polislər ona parkda rast gəliblər. Qəbul etdiyi spirtli içkinin təsiri ilə yarıhuşsuz halda olan şəxs polis tərəfindən oyandırılıb. Polisin müdaxiləsi ilə oyanan həmin şəxs özünü yenidən dənizə atıb.

Polis onu dənizdən çıxararaq, kim olduğu ilə bağlı araşdırma aparıb. Araşdırma nəticəsində məlum olub ki, o prezidentliyə namizəd Ekmələddin İhsanoğlunun Mərmərə Universiteti Hüquq fakültəsindən məzun olan və Hərbiyədə hüquq bürolarından birində işləyən 37 yaşlı vəkil oğlu Osman Toğrul İhsanoğludur.

Polislər lazımi prosedurları həyata keçirdikdən sonra onu evinə apararaq ailəsinə təhvil veriblər.

Milli.Az

Videonu izləmək üçün şəkilə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.