Dünya

"AST Telman"ın bank hesabları donduruldu

5 İyul 2014 12:22
1 Şərh     Baxış: 2 483
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR #DÜNYADA

Şirkətin iddianaməsində Telman İsmayılovu 135 milyon dollar krediti və kredit faizlərini ödəməyə məcbur etmək xahiş olunur

AzNews.az-ın vesti.az-a istinadən yaydığı məlumata görə, məhkəmə bu qərarı "Manqazey" qrupunun sahibi Sergey Yançukova məxsus "Sezaria LTD" şirkətinin iddiası əsasında qəbul edib. Şirkətin iddianaməsində Telman İsmayılovu 135 milyon dollar krediti və kredit faizlərini ödəməyə məcbur etmək xahiş olunur.

"Sezaria" şirkətinin məlumatında qeyd olunur ki, bu qurum 2010-cu ilin sentyabrında Telman İsmayılovun Kiprdə fəaliyyət göstərən Tandum LTD şirkətinə bir il müddətinə 10 faizlə 50 milyon dollar kredit verib. Kreditə görə faizlər vaxtında ödənildiyindən 2011-ci ilin fevralında "Tandum LTD"yə daha 50 milyon kredit verilib. Bu kredit də illik 10 faizlə verilsə də, onun bağlanma müddəti iki il olub. 2013-cü ilin aprelində Telman İsmayılovla "Sezaria" arasında borcun əsas hissəsinin ödəniş müddətinin uzadılması barədə bir neçə saziş imzalanıb. Telman İsmayılov rəhbəri olduğu Tandum LTD şirkətinin krediti qaytara bilməyəcəyi təqdirdə vəsaiti öz şəxsi aktivlərindən ödəyəcəyi barədə öhdəlik götürüb. Lakin iş adamı bunu etmədiyinə görə, şirkət İsmayılovun bank aktivlərinin dondurulması tələbi ilə məhkəməyə müraciət edib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.