Dünya

ABŞ ərəb ölkələrindəki səfirliklərini bağlayır

2 Avqust 2013 18:13
0 Şərh     Baxış: 418
VTB-də minimal faiz dərəcəsi ilə nağd kredit 9.9%-dən

Hücum təhlükəsi ilə bağlı bu bazar ABŞ səfirlik və konsulluqları işləməyəcək

Amerika Birləşmiş Ştatları hücum təhlükəsi ilə əlaqədar bir çox ölkələrdəki səfirlik və konsulluqlarının bu bazar işləməyəcəyini bəyan edib.

Anspress bildirir ki, ABŞ Dövlət Departamentinin mətbuat katibi Mari Harfın sözlərinə görə, bu təhlükəsizlik tədbiri, əsasən, müsəlman ölkələrindəki bazar günü də işləyən səfirliklərə və konsulluqlara şamil ediləcək.

"Dövlət Departamenti bəzi ABŞ səfirliklərinə və konsulluqlarına bazar günü, avqustun 4-də bağlı qalmaq və əməliyyatları başqa vaxta salmaq göstərişi verib. Departament əməkdaşlarımızın təhlükəsizliyinin qorunması zərurətinə dair məlumatdan qaynaqlanaraq, bu cür təhlükəsizlik tədbirinin görülməsini vacib sayır", - deyə Mari Harf bildirib.

Mari Harf bazar günü işləməyən səfirliklərin siyahısının artacağını da istisna etməyib, lakin hansı təhlükədən söhbət getdiyini və konkret olaraq hansı ərəb ölkələrindəki səfirliklərin bağlı olacağını açıqlamayıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.