Dünya

Dünyanın ən uzun dəmir yolu tuneli: 8 şəhər və 2 ölkə birləşdi

29 Yanvar 2026 08:08

Baxış: 3 210

VTB-də minimal faiz dərəcəsi ilə nağd kredit 9.9%-dən

#DÜNYADA

İsveçrə Alp dağlarının altından keçən və 57 kilometr uzunluğu ilə dünyanın ən uzun və ən dərin dəmir yolu tuneli statusunu daşıyan Gotthard Baz Tuneli artıq tam gücü ilə fəaliyyət göstərərək Avropanın nəqliyyat xəritəsini dəyişir.

Milli.Az xəbər verir ki, layihə şimalda Almaniyanı, cənubda isə İtaliyanı İsveçrə vasitəsilə bir-birinə bağlayır. Sürix, Milan, Luqano, Bazel, Rotterdam və Genuya kimi mühüm iqtisadi mərkəzlər daxil olmaqla, cəmi 8 böyük şəhər arasında birbaşa və sürətli əlaqə təmin edilib.

Tunel sayəsində qatarlar Alp dağlarının sıldırım zirvələrinə qalxmadan, düz bir xətt boyunca hərəkət edir. Bu, Sürix və Milan arasındakı səyahət vaxtını təxminən 1 saat qısaldaraq 2 saat 40 dəqiqəyə endirib. Sərnişin qatarları tunel daxilində saniyədə 250 km sürətlə hərəkət edir.

Layihənin ən böyük məqsədlərindən biri yük daşımalarını quru yollarından (yük maşınlarından) dəmir yollarına keçirməkdir.

Hər gün təxminən 260 yük və 65 sərnişin qatarı bu tuneldən keçir.

Alp dağlarının həssas ekosistemini ağır tonnajlı maşınların tüstüsündən və səsindən qorumaq üçün bu tunel "yaşıl dəhliz" rolunu oynayır.

Layihənin ümumi dəyəri təxminən 11.3 milyard sterlinq (12.2 milyard İsveçrə frankı) təşkil edir.

Tunel dağların 2.3 kilometr dərinliyindən keçir ki, bu da onu dünyanın ən dərin nəqliyyat tüneli edir.

İsveçrə tunellər sahəsində dayanmır; Lötschberg Baz Tunelinin də genişləndirilməsi və 2035-ci ilə qədər tamamilə hazır olması planlaşdırılır.

Lalə Qüdrətova
Milli.Az

Milli.Az - Xəbər Portalı

Dünyanın ən uzun dəmir yolu tuneli: 8 şəhər və 2 ölkə birləşdi

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?