Dünya

Şirkətini satıb, işçilərinə 20 milyon bonus payladı

26 Dekabr 2025 12:54
Baxış: 1 078
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #BİZNES

ABŞ-ın Luiziana ştatında yerləşən "Fibrebond" şirkətinin 1,7 milyard dollara satılması işçilər üçün tarixi qazanca çevrilib. Şirkətin baş direktoru Qraham Uoker satış müqaviləsinə gəlirin 15 faizinin işçilərə paylanması şərtini daxil edib.

Milli.Az xəbər verir ki, bu qərar nəticəsində şirkətdə çalışan 540 tam ştatlı işçi ümumilikdə 240 milyon dollar (təxminən 10 milyard türk lirəsi) məbləğində bonus əldə edib. Adambaşına düşən orta ödəniş isə 443 min dollar (təxminən 20 milyon TL) olub.

Məlumata görə, bonuslar işçilərin şirkətdə ən azı beş il qalması şərti ilə hissə-hissə ödəniləcək. Uzun müddət "Fibrebond"da çalışan işçilərin isə daha yüksək məbləğlər aldığı bildirilir.

"Wall Street Journal" qəzetinin məlumatına görə, Qraham Uoker ailəsinin satışdan 1 milyard dollardan çox gəlir əldə edəcəyi açıqlanıb. Uoker işçilərə paylanan təxminən 250 milyon dolları "ədalətli bölüşdürmə" kimi qiymətləndirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.