Dünya

"Narahat olmayın, gələn il daha da pis olacaq"

24 Dekabr 2025 09:45
Baxış: 2 072
VTB-də minimal faiz dərəcəsi ilə nağd kredit 9.9%-dən
#DÜNYADA #ITALY

İtaliyanın Baş naziri Corcia Meloni Milad bayramı ərəfəsində ofisinin əməkdaşları ilə görüşərək onları istirahətə vaxt ayırmağa səsləyib və qarşıdakı dövrün asan olmayacağını vurğulayıb.

Milli.Az xarici mətbuata istinadən xəbər verir ki, bu barədə ANSA agentliyi məlumat yayıb. Baş nazir iqamətgahında keçirilən görüş zamanı kollektivə gördükləri işə görə təşəkkür edib və onları "vahid ailə" kimi dəyərləndirib.

Meloni bildirib ki, geridə qalan il hamı üçün çətin keçib, lakin qarşıdakı ilin daha mürəkkəb olacağını da istisna etməyib. O, əməkdaşlarına bayram günlərində yaxşı dincəlməyi tövsiyə edərək, ölkənin üzləşdiyi çağırışlara bundan sonra da birlikdə cavab verməli olduqlarını qeyd edib:

"Keçən il hamımız üçün çətin idi, amma narahat olmayın, çünki gələn il daha da pis olacaq. Buna görə də sizə bu bayramlarda yaxşı istirahət etməyi məsləhət görürəm, çünki bu ölkənin qarşısında dayanan çağırışlara cavab verməyə davam etməliyik".

Hüseyn
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.