Dünya

Türkiyədə bir kənd virusa görə karantinə alındı

14 Oktyabr 2025 11:20

Baxış: 1 022

VTB-də minimal faiz dərəcəsi ilə nağd kredit 9.9%-dən

#DÜNYADA #TÜRKİYƏ

Türkiyənin Samsun vilayətinin Alaçam rayonunda dabaq xəstəliyinin aşkar olunması ciddi narahatlıq yaradıb.

Milli.Az xəbər verir ki, Tefekli məhəlləsində iri və xırdabuynuzlu heyvanlarda xəstəliyin aşkarlanmasından sonra 32 kənddə karantin və hərəkət məhdudiyyəti elan olunub.

Alaçam Kənd Təsərrüfatı və Meşə İdarəsinin məlumatına görə virusun yayılmasının qarşısını almaq üçün genişmiqyaslı profilaktik tədbirlər görülür.

Karantin tətbiq edilən yaşayış məntəqələrinə Akbulut, Akgüney, Aşağıakgüney, Bahşioymağı, Doyran, Göçkün, Gökçeağaçoymağı, Gökçeboğaz, Güvenli, Habilli, İncirli, Kapaklı, Karahüseyinli, Karlı, Karşıyaka, Kışlakonak, Killik, Madenler, Ortaköy, Örenli, Sancar, Sarılık, Soğukçam, Taşkelik, Yakacık, Yenice, Yeniköy, Yeşilköy, Yukarıelma, Yukarısoğukçam və Zeytinköy daxildir.

Alınan qərarlara əsasən, bu bölgələrdə iri və xırdabuynuzlu heyvanların daşınması və ticarəti qadağan olunub. Məhəllə muhtarlarına və sakinlərə vəziyyətin ciddiliyi barədə məlumat verilib, xəstəliyin yayılmaması üçün profilaktik tədbirlərə ciddi riayət olunması tövsiyə edilib.

Qeyd edək ki, Dabaq xəstəliyi (epizootik aftoz) heyvanlar arasında sürətlə yayılan, iqtisadi itkilərə səbəb olan təhlükəli virus infeksiyasıdır.

İsmayıl
Milli.Az