Dünya

Cənubi Koreya Prezidenti xalqından üzr istədi

7 Dekabr 2024 07:37
Baxış: 1 835
VTB-də minimal faiz dərəcəsi ilə nağd kredit 9.9%-dən
#SOUTH KOREA

Cənubi Koreya Prezidenti Yun Sok Yol, ölkədə siyasi xaosa səbəb olan və onun impiçmentinə çağırışlarla nəticələnən hərbi vəziyyət tətbiq etmə cəhdindən sonra ilk dəfə ictimaiyyət qarşısında çıxış edərək xalqdan üzr istəyib.

Milli.Az xəbər verir ki, "Bu fövqəladə hərbi vəziyyət elanım dövlət işlərinə görə ali məsuliyyət daşıyan bir şəxs kimi ümidsizliyimdən qaynaqlanırdı," Yun iki dəqiqəlik müraciətində deyib.

"Mən dərin təəssüf hissi keçirirəm və ciddi şəkildə şoka düşmüş vətəndaşlardan səmimi şəkildə üzr istəyirəm," deyə o, əlavə edib. Yun bildirib ki, bu qərarı ilə "Cənubi Koreya vətəndaşlarına narahatlıq və qayğı yaşatdığı" üçün üzr istəyir.

Bu həftəsonu parlamentdə impiçment səsverməsi ilə üzləşəcəyi gözlənilən Yun, "Bu hərbi vəziyyətin elanına dair hüquqi və siyasi məsuliyyətdən yayınmayacağını" bildirib.

Qeyd edək ki, Yun çərşənbə axşamı gecəsi gözlənilmədən televiziyada çıxış edərək hərbi vəziyyət elan edib və əsas müxalifət partiyasını Şimali Koreyaya simpatiya göstərməkdə və "dövlətə qarşı fəaliyyətlərdə" günahlandırıb. O, həmçinin Demokrat Partiyasının baş prokurorların impiçmentinə dair təşəbbüsünü və hökumətin büdcə təklifinin rədd edilməsini əsas gətirib.

Ancaq cəmi altı saat ərzində Yun geri çəkilməyə məcbur qalıb. Millət vəkilləri əsgərləri yarıb parlamentə daxil olub və yekdilliklə fərmanı ləğv ediblər.

Lalə Qüdrətova
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.