Dünya

Valensiyada əhali ayağa qalxdı - kralı fitə basıb, palçıqladılar - VİDEO - FOTO

3 Noyabr 2024 23:31

Baxış: 2 581

VTB-də minimal faiz dərəcəsi ilə nağd kredit 9.9%-dən

#VİDEO #İSPANİYA

23:31

Valensiya sakinlərinin çəkdikləri əziyyəti anlayırıq, lakin istənilən zorakılığa qarşıyıq.

Milli.Az axar.az-a istinadən bildirir ki, bu sözləri İspaniya Baş naziri Pedro Sançez kral VI Filippin hücuma məruz qalması barədə açıqlamasında deyib.

"Hər cür zorakılığı rədd edirik", - deyə o bildirib.

Qeyd edək ki, İspaniya kralı VI Filipp və həyat yoldaşı Letisiya Valensiyada daşqından əziyyət çəkənlərin hücumuna məruz qalıb. Sakinlər onlara palçıq atıblar.

----------
19:28

Bu gün İspaniya Kralı VI Filipp daşqına məruz qalan Valensiyaya səfər edib.

Milli.Az APA-ya istinadən bildirir ki, yerli sakinlər və könüllülər VI Filippi fitə basıb, üstünə palçıq və əşyalar ataraq "Qatillər" və digər təhqiramiz şüarlar səsləndiriblər.

Kraliça Letizianın da üzərinə palçıq atılıb.

VI Filippi qorumağa çalışan mühafizəçilərin bir neçəsi könüllülər tərəfindən döyülüb. İspaniya Kralının sakinlər və könüllülərlə dialoq qurmaq cəhdi də nəticə verməyib.

Qeyd edək ki, daşqınlar nəticəsində Valensiyada ölənlərin sayı 214 nəfərə çatıb.

Milli.Az
Xəbərlərimizi WhatsApp kanalımızdan da oxuyun