Dünya

Makron Yeni Kaledoniyaya zirehli texnika və helikopterlər göndərəcək

23 May 2024 18:51
Baxış: 447
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Fransa hakimiyyəti Yeni Kaledoniyaya əlavə zirehli texnika və helikopterlər göndərəcək.

Milli.Az report-a istinadən xəbər verir ki, bunu Fransa Prezidenti Emmanuel Makron Yeni Kaledoniyaya səfərindən sonra keçirilən mətbuat konfransında deyib.

Fransa Prezidenti bildirib ki, etirazları yatırmaq üçün hüquq-mühafizə orqanlarının üç min əməkdaşı, o cümlədən RAID və GIGN xüsusi təyinatlı polis və jandarmların 130 əməkdaşının cəlb edilib: "Əsas vəzifə ən qısa müddətdə sakitliyin və nizamın qaytarılmasıdır".

Qeyd edək ki, Yeni Kaledoniyada on ildən artıqdır adada yaşayan Fransa sakinlərinə əyalət seçkilərində geniş səsvermə hüququnu nəzərdə tutan konstitusiyaya təklif edilən düzəlişə etiraz olaraq mayın 13-də aksiyalar başlayıb.

Yeni Kaledoniyanın paytaxtı Numea şəhərində baş verən etirazlara cavab olaraq Fransa hakimiyyəti komendant saatı tətbiq edib və ictimai toplantıları qadağan edib.

Son məlumatlara görə, Yeni Kaledoniyada etiraz aksiyaları zamanı ölənlərin sayı 6 nəfərə çatıb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.