Dünya

Britaniya vətəndaşlarına İrana səfər etməmək barədə xəbərdarlıq edib

26 May 2023 10:09
Baxış: 673
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Britaniya hökuməti vətəndaşlarına İrana səfər etməmək barədə xəbərdarlıq edib.

Milli.Az APA-ya istinadən bildirir ki, bu barədə Böyük Britaniya və Şimali İrlandiya Birləşmiş Krallığının Xarici İşlər, Birlik və İnkişaf Ofisinin (FCDO) rəsmi saytında məlumat verilib.

Bildirilib ki, Britaniya və Britaniya-İran ikili vətəndaşları İranda əsassız həbs riski altındadır: "Britaniya pasportuna sahib olmaq İran hakimiyyətinin sizi hədəf alması üçün kifayət qədər səbəb ola bilər. Əgər İranda həbs olunsanız sizi aylarla və ya illərlə həbs gözləyir. Bizim konsulluq yardımı göstərmək imkanımız son dərəcə məhduddur".

Əlavə olunub ki, İran hakimiyyəti Böyük Britaniya ilə əlaqəsi olan şəxsləri etirazları qızışdırmaqda ittiham edir: "Əgər etiraz aksiyasında və ya yaxınlığında olsanız həbs olunmaq riskiniz var. Etiraz aksiyaları ilə əlaqədar həbs edilən və Britaniya vətəndaşı olan hər kəs casusluqda və ya İran hökumətini sarsıtmaqda işləməkdə əlavə şübhə ilə üzləşə bilər bu da uzunmüddətli həbs, cinayət ittihamı və ya ölüm cəzası alma riskini artırır".

Həmçinin İranda terror hücumları barədə xəbərdarlıq edilib: "Terrorçuların İranda hücumlar həyata keçirməyə cəhd edəcəyi ehtimalı var. Hücumlar hər yerdə o cümlədən xaricilərin olduğu yerlərdə baş verə bilər".

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.