Dünya

Reznikovu kim əvəz edəcək?

6 Fevral 2023 07:14
Baxış: 520
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ukraynanın Ali Radası yaxın vaxtlarda keçiriləcək növbəti plenar iclasda müdafiə naziri Aleksey Reznikovun istefasına səs verəcək. Onun yerinə Müdafiə Nazirliyinin Baş Kəşfiyyat İdarəsinin rəisi Kirill Budanov təyin olunacaq.

Milli.Az axar.az-a istinadən xəbər verir ki, bu barədə Ukraynanın "Xalqın xidmətçisi" fraksiyasının rəhbəri David Araxamiya bildirib.

Onun sözlərinə görə, Vasili Malyuk Ukrayna Təhlükəsizlik Xidmətinin rəisi, İqor Klimenko isə daxili işlər naziri təyin ediləcək.

Araxamiya əlavə edib ki, Reznikov Ukraynanın sənayenin strateji sahələri məsələləri üzrə nazir postunda Pavel Ryabikini əvəz edəcək.

Qeyd edək ki, bundan öncə Reznikov açıqlamasında istefaya hazır olduğunu, Prezident Vladimir Zelenskinin qərar verəcəyi halda müvafiq addım atacağını söyləmişdi.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.