Dünya

Lvov atəşə tutulur: insanlar sığınacağa yerləşdirildi

25 Aprel 2022 11:12

0 Şərh Baxış: 918

#RUSİYA-UKRAYNA MÜHARİBƏSİ

Lvov vilayətində aprelin 25-də səhər narahatlıqla başlayıb - bölgədə partlayış səsləri eşidilib. Artıq vəziyyətə regional hərbi administrasiya tərəfindən münasibət bildirilib. Administrasiyanın sədri Maksim Kozitski bildirib ki, bölgədə hava hücumundan müdafiə sistemi işləyir.

Milli.Az bildirir ki, bu barədə o, Telegram kanalında yazıb.

Belə ki, əvvəlcə Lvov vilayətinin sakinləri partlayış səsləri eşidib, daha sonra bölgənin üstündəki səmada tüstü görünməyə başlayıb. Sonradan Kozitski yazdı ki, bütün insanlar sığınacaqlarda qalmalıdırlar, çünki hava hücumundan müdafiə işləyir.

Daha sonra Zoloçev rayonunda iki yaşayış məntəqəsində yanğınların baş verdiyi məlum olub. Kozitskinin sözlərinə görə, vəziyyət nəzarət altındadır, lakin Lvov vilayətinin sakinləri hələ də sığınacaqlarda qalmalıdırlar.

Aslan Məmmədov
Milli.Az