İdman

Türk futbolçudan rekord

21 Oktyabr 2020 18:59
Baxış: 767

"Başakşəhər"in yarımmüdafiəçisi Mehmet Topal daha bir ilkə imza atıb.

Milli.Az qol.az-a istinadən xəbər verir ki, 34 yaşlı oyunçu Çempionlar Liqasında 3 onillikdə (2000, 2010 və 2020) meydana çıxan ilk türk futbolçu kimi tarixə düşüb.

Türkiyə millisinin sabiq üzvü bunu ötən gecə Almaniyanın "Leyptsiq" klubu ilə səfər oyununda (0:2) meydana çıxmaqla rəsmiləşdirib.

Xatırladaq ki, Topal "Başakşəhər"lə Superliqada son mövsümün qalibi olmaqla da ilkə imza atmışdı. O, "Qalatasaray" və "Fənərbağça"dakı çempionluqlarından sonra "Başakşəhər"lə də bu sevinci yaşamaqla 3 fərqli klubla Türkiyə çempionu olan ilk futbolçuya çevrilmişdi.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.