İdman

"Xəzər Lənkəran"ın dönüşü möhtəşəm olacaq"

30 Yanvar 2019 18:04

4 Şərh Baxış: 2 888

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU #XƏZƏR LƏNKƏRAN

"Xəzər Lənkəran"ın fəxri-prezidenti Mübariz Mənsimov klubun yenidən fəaliyyət göstərib-göstərməyəcəyi barədə gəzən söz-söhbətlərə aydınlıq gətirib.

Milli.Az sportal.az-a istinadən xəbər verir ki, azərbaycanlı iş adamı "facebook" sosial şəbəkəsində izləyicilərdən birinin "Xəzər Lənkəran" nə zaman geri dönəcək" sualına belə cavab verib: "Xəzər Lənkəran" AFFA-dakı oğrular nə zaman getsə, onda geri dönər. Biz onlar kimi rüşvət və oğurluq etməklə pul qazanmırıq. Bizim pulumuz Allahın bizə verdiyi ruzi olan dənizdən çıxır. 10 min dənizçinin çalışdığı yerdə düzgünlük etməsəm, şorba yeyə bilmərəm, insanların ahı məni tutar. Dəyərli qardaşım, ona görə də indi gözləməliyik. Ancaq sizə söz verirəm, bizim "Xəzər Lənkəran" mütləq yaşıl meydanlara geri dönəcək. Əzizlərim, bunun dönüşü möhtəşəm olacaq".

Qeyd edək ki, 2004-cü ildə yaranan Lənkəran təmsilçisi 2016-cı ildə fəaliyyətini dayandırıb.

Milli.Az