İdman

"Neftçi"nin oyunçusu: "Belə bir şərt olmayıb"

2 İyul 2011 20:05

Baxış: 737

VTB-də yüksək depozit faizleri daha çox qazandırır

#ZVEZDA-HELİOS HEMİJSKA İNDUSTRİJA A.D. GORNİJ MİLANOVAC #CRVENA ZVEZDA A.D.

"Neftçi"nin yeni qapıçısı Saşa Stamenkoviç azerisport.az saytına müsahibəsində komandasından, UEFA Çempionlar Liqasındakı rəqiblərindən danışıb.

- Yeni komandanız necədi? Artıq alışmısız?

- Bəli, əla kollektivimiz var. Həm də mənə İqor Mitreski, Slavço Georgiyevski çox kömək edir. Həmçinin məşqçimiz Nboyşa Manoyloviçin də dəstəyi danılmazdı.

- Bu düzdü ki, siz müqaviləyə imza atarkən klub prezidenti Sadıq Sadıqovdan xahiş etmisiz ki, formanızın rəngləri ağ-qırmızı olsun, "Crvena Zvezda"dakı kimi?

- Əslində belə bir şərt olmayıb. Sadəcə, bizim potensial rəqiblərimiz arasında Belqrad "Partizan"ı da var idi. Hansı ki, "Crvena Zvezda" ilə gərgin münasibətlərə malikdi. Bu, Serbiya futbolunun daimi çəkişməsidi.

- Amma siz Zaqreb "Dinamo"su ilə düşdünüz...

- Bəli, elədi. Amma "Crvena Zvezda"nın "Dinamo" ilə də münasibətləri əla deyil. Keçmiş Yuqoslaviyada dörd top-klub var idi. Serbiyanı təmsil edən "Crvena Zvezda" və "Partizan", həmçinin Xorvatiyanın "Dinamo" və "Hajduk" klubarı. Digər tərəfdən istənilən halda mənim üçün "Maksimir"dəki oyun prinsipial əhəmiyyət daşıyacaq.

- Deyəsən, futbolla yanaşı həm də siyasi məsələlər var...

- Doğrudu. Amma bu, siyasətçilərin işidi. Xalqlar haqda bunu deməzdim. Serblər və xorvatlar həmişə əcnəbi klublarda birgə oynayırlar, aralarında da heç bir problem yoxdu.

- Yəqin ki, xorvatlar "Crvena Zvezda"nın keçmiş qapıçısını sakit qarşılamayacaqlar...

- Mən isti qarşılanmaya hazıram. Məni nə gözlədiyini bilirəm. Bu məni sadəcə cuşa gətirir. Digər tərəfdən mən kənar şeylərə yox, ancaq oyuna köklənməyə çalışıram.

- "Neftçi" "Dinamo" ilə oyunda nəyə ümid edə bilər?

- Əlbəttə, biz mümkün qədər qol buraxmamalıyıq. Deməzdim ki, bizim şansımız azdı. Bəli, rəqibin böyük təcrübəsi var. Onlar hər il Çempionlar, Avropa Liqasında çıxış edirlər. Amma onlara qalib gəlmək olar.

- Rauf Mehdiyevlə rəqabət aparmaq necədi?

- Mehdiyev əla qapıçı, gözəl insandı. Düşünürəm ki, bu rəqabət hər ikimizin xeyrinə yarayacaq.

- Serbiyalı qapıçılara Azərbaycanda tez-tez təsadüf olunur. Sizə qədər Koraç, Miçoviç, hazırda "Qarabağ"da çıxış edən Pavloviç də bura gəlib. Əlaqə saxlayırsızmı?

- Mən Miçoviçlə danışmışam. Axı o da "Neftçi"də çıxış edib. O, mənə çox şeyi danışdı. Yeni komandam və Azərbaycan futbolu haqda çox şeyi ondan öyrəndim.

Milli.Az